Zabity -- hruzinski eks-deputat Bonda Šalikijani. Jon byŭ adnoj z upłyvovych asob Hruzii pieryjadu da «revalucyi ružaŭ». Razam ź im zahinuŭ i mužčyna, jaki jaho supravadžaŭ. Šalikijani ličyŭsia najbolš upłyvovaj asobaj u Imiereci, piša Radyjo Svaboda
Jon kantralavaŭ biznes naftapraduktaŭ i vałodaŭ telekampanijaj «Kutaisi».
Jon nie raz abvinavačvaŭsia roznymi palityčnymi siłami, u tym liku eks-hubiernataram Imiereci, u suviaziach z kryminalnym śjetam.
U sakaviku 2004 mažarytarny deputat ad Tkibuli Bonda Šalikijani byŭ zatrymany hruzinskimi pravaachoŭnikami padčas śpiecapieracyi. Pavodle dadzienych palicyi, padčas pieratrusu ŭ jaho chacie była vyjaŭlena ahniastrelnaja zbroja roznych vidaŭ. Admysłovaj apieracyjaj kiravaŭ tahačasny hienprakuror Irakli Akruašvili, paźniej — ministar abarony, jaki paśla kanfliktu z kiraŭnictvam krainy pierajšoŭ u apazicyju.
Jak paviedamili ŭ adździele infarmacyi i hramadskich suviaziaŭ SK, złačynstva było ŭčyniena nočču 7 žniŭnia.
U dvary žyłoha doma № 31 pa vulicy Kuźmy Čornaha pryblizna ŭ 1.10 u paciarpiełaha niekalki razoŭ vystralili, u tym liku ŭ hałavu, z ahniastrelnaj zbroi,-- paviedamlaje BiełaPAN
Śledstva miarkuje, što va ŭčynieńni zabojstva ŭdzielničała niekalki čałaviek. Adpracoŭvajucca ŭsie mahčymyja viersii złačynstva. Adna z asnoŭnych — zakaznoje zabojstva, źviazanaje z kryminalnymi razborkami.
«Pravodziacca nieadkładnyja śledčyja dziejańni», — paviedamili ahienctvu
Jak paviedamili ahienctvu na ŭmovach ananimnaści krynicy ŭ pravaachoŭnych orhanach,
«zabity, pavodle papiaredniaj infarmacyi, źjaŭlajecca kryminalnym aŭtarytetam adnoj z byłych savieckich respublik. Zabojstva źjaviłasia vynikam kryminalnych razborak pradstaŭnikoŭ złačynnych hrupovak dźviuch zamiežnych dziaržaŭ».
Dla rasśledavańnia akaličnaściaŭ zabojstva i ŭstanaŭleńnia vinavatych stvorana śledčaja hrupa z daśviedčanych śledčych i kryminalistaŭ.