Skajp i paštovuju skryniu prafsajuza REP uzłamali 1

U piatnicu, 3 žniŭnia, zamiežnyja kalehi prafsajuza REP vyjavili, što ad imia aktyvistaŭ prafsajuza adkazvajuć inšyja ludzi.

Kiraŭnik mižnarodnaha adździeła partniorskaj arhanizacyi prafsajuza REP — najbujniejšaha prafsajuza Danii 3 °F — Medsien Łund 3 žniŭnia atrymaŭ paviedamleńnie pa skajpie ad imia prafsajuza REP z prośbaj dasłać dakumienty z podpisam staršyni Hienadzia Fiadyniča. Akramia taho ŭ paviedamleńni utrymlivałasia infarmacyja ab tym, što lidar prafsajuza REP znachodzicca ŭ špitali z sardečnym prystupam.

Medsien Łund byŭ ździŭleny i vyrašyŭ zadać pytańni asabistaha charaktaru, pra jakija mahli viedać tolki supracoŭniki prafsajuznaha ofisa.

Adkazu nie było. I ŭ hety ž čas hetyja ž samyja pytańni z skajpa prafsajuza REP byli zadadzieny tym, chto znachodziŭsia ŭ śpisie kantaktaŭ prafsajuznaha skajpa. Ludzi pačali źviazvacca z ofisam i ŭdakładniać, u čym sprava, pakolki heta vyhladała dziŭna.

Tak, pres-sakrataru prafsajuza REP Mikałaju Hierasimienku zadali pytańnie ab tym, jakija suvieniry pryvioz Hienadź Fiadynič svaim dackim kaleham padčas vizitu ŭ Kapienhahien ŭ červieni.

Jašče ŭ adnaho aktyvista spytali, u jakim restaranie byŭ arhanizavany viačera padčas hetaha vizitu.

— Varta adznačyć, što ludzi, jakija atrymali paviedamleńni ad imia prafsajuza REP, chutka zdahadalisia, što situacyja vyklikaje padazreńnie, — raspavioŭ Mikałaj Hierasimienka. — U kancy dyjałohu moj kaleha prapanavaŭ surazmoŭcam nie marnavać čas i siły na niepatrebnuju aktyŭnaść, a zaniacca hetym spravaj i nadziejna achoŭvać miežy našaj Radzimy. Adkazam stała fraza «śmiajecca toj, chto śmiajecca apošnim». Praŭda jaje adrazu vydalili.

praca-by.info

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH