Arhanizatary "plušavaha bambavańnia" -- pradstaŭniki šviedskaj pijar-kampanii Studio Total -- nie byli ŭ kursie taho, što Kamitet dziaržbiaśpieki Biełarusi prapanavaŭ im prybyć u Minsk dla ŭdziełu ŭ śledčych dziejańniach.
"Ja nie viedaŭ pra heta. Ja nie atrymlivaŭ nijakaha zaprašeńnia padobnaha kštałtu. My abmiarkujem situacyju z Tomasam (Mazeci. - BiełaPAN.) I Linaj Frej, na jakich umovach nas vyklikajuć. Dumaju, što jany pavinny kantaktavać z nami naŭprost, kali jany chočuć nas zaprasić ", -zajaviŭ BiełaPAN uviečary 7 žniŭnia zasnavalnik kampanii Per Kromvieł.
Ab prapanovie šviedam prybyć u Minsk havorycca ŭ paviedamleńni Centra infarmacyi i hramadskich suviaziaŭ KDB, raspaŭsiudžanym 7 žniŭnia: "U intaresach abjektyŭnaha rasśledavańnia kryminalnaj spravy i vyśviatleńnia ŭsich akaličnaściaŭ parušeńnia pavietranaj prastory Respubliki Biełaruś i Litoŭskaj Respubliki Kamitetam dziaržaŭnaj biaśpieki
prapanujecca paddanym Šviecyi, jakija brali ŭdzieł u arhanizacyi i ažyćciaŭleńni niezakonnaha pieramiaščeńnia praź dziaržaŭnuju miažu, prybyć u Minsk dla ŭdziełu ŭ śledčych dziejańniach u jakaści padazravanych, u tym liku dla praviadzieńnia vočnych stavak. Pa vynikach buduć pryniatyja kančatkova adpaviednyja pracesualnyja rašeńni ŭ dačynieńni da biełaruskich hramadzian, jakija prachodziać pa kryminalnaj spravie".
Pavodle infarmacyi CIHS, KDB uzbudziŭ i rasśleduje kryminalnuju spravu pa prykmietach złačynstva, praduhledžanaha č. 3 art. 371 KK pa fakcie niezakonnaha pierasiačeńnia 4 lipienia dziaržaŭnaj miažy Biełarusi paddanymi Šviecyi na lehkamatornym samalocie.
Pa padazreńni ŭ dapamozie ŭ ździajśnieńni zhadanaha złačynstva byli zatrymanyja hramadzianie Biełarusi Surapin i Bašarymaŭ, jakim vystaŭlena abvinavačvańnie pa č. 6 art. 16 (dapamoha ŭ ździajśnieńni złačynstva) i č. 3 art. 371 (niezakonnaje pierasiačeńnie dziaržaŭnaj miažy Respubliki Biełaruś) KK.
Adnamatorny samalot sa šviedskim ekipažam z supracoŭnikaŭ kampanii Studio Total ź plušavymi miškami na borcie pierasiok pavietranuju miažu Biełarusi ranicaj 4 lipienia. Jon pravioŭ u pavietranaj prastory krainy kala paŭtary hadziny, skinuŭšy nad Iviancom i uskrainaj Minska bolš za 800 cacak z cydułkami ŭ padtrymku demakratyi ŭ Biełarusi.
Historyja z "plušavym desantam" atrymała šyroki hramadski rezanans i dała padstavu sumniavacca ŭ bojehatoŭnaści nie tolki biełaruskich, ale i sajuznych srodkaŭ SPA.31 lipienia Alaksandr Łukašenka vyzvaliŭ ad zajmanych pasadaŭ staršyni Dziaržpahrankamiteta Ihara Račkoŭskaha i kamandujučaha Vajenna-pavietranymi siłami i vojskami supraćpavietranaj abarony Uzbrojenych sił hienierał-majora Dźmitryja Pachmiełkina.
Zasnavalnik pijar-kampanii Studio Total Per Kromvieł zrabiŭ zajavu dla biełaruskich uładaŭ. Jon zajaviŭ ab niedatyčnaści kaho-niebudź ź biełaruskich hramadzian da "plušavym desantu" i vykazaŭ hatoŭnaść pryjechać, u vypadku nieabchodnaści, u Biełaruś dla dačy pakazańniaŭ.
