Kitaj u lipieni pravioŭ paśpiachovyja vyprabavańni najnoŭšaj mižkantynientalnaj balistyčnaj rakiety. U adroźnieńnie ad raniej najaŭnych u Kitaja nośbitaŭ, jana zdolnaja dasiahnuć luboj kropki na terytoryi ZŠA, piša aŭtarytetny śpiecyjalizavany amierykanski časopis Jane's Defence Weekly.
Vydańnie spasyłajecca na źviestki z amierykanskich vyviedvalnych i vajskovych krynic. Rakietu «Dunfen-41» (DF-41) zapuścili z palihona «Učžaj» i jana trapiła ŭ cel u pustyni na zachadzie krainy.
Dalnaść dziejańnia rakiety składaje ad 10 tys. da 14 tys. km, jana asnaščana raździalalnaj hałaŭnoj častkaj ź indyvidualnym naviadzieńniem i niasie iłžyvyja celi, jakija imitujuć bajavyja błoki dla pieraadoleńnia sistemy procirakietnaj abarony (PRA). Raniej Kitaj nie mieŭ rakiet takoj dalokaści dziejańni i z takimi raździalalnymi bojehałoŭkami, adznačaje vydańnie.
Takija rakiety mieła Rasija, adnak novaje pakaleńnie rasijskich balistyčnych rakiet nie vyłučajecca nadziejnaściu.
ZŠA ŭ adkaz paskorać razhortvańnie PRA ŭ Azijacka-Cichaakijanskim rehijonie. Kitajskija rakiety pakul nie mohuć pieraadoleć amierykanskuju PRA. ZŠA pavialičyć kolkaść bajavych karabloŭ u rehijonie i pastavić dadatkovyja stacyjanarnyja batarei PRA ŭ Japonii i na Filipinach.
