Brejviku dali 21 hod turmy 56

Narviežski sud pryznaŭ Andersa Brejvika psichična zdarovym, jamu treba budzie pravieści ŭ źniavoleńni 21 hod jak minimum. Hety termin moža być pradoŭžany, kali sud vyrašyć, što Brejvik praciahvaje ŭjaŭlać pahrozu dla hramadstva.

Raniej Brejvik pryznaŭ, što 22 lipienia minułaha hoda jon zabiŭ 77 i paraniŭ 240 čałaviek. Bolšaść jaho achviar byli ŭdzielnikami moładzievaha letnika na vostravie Utoja.

33-hadovy Brejvik nastojvaŭ na tym, što jaho ŭčynki tłumačacca jaho ultrapravymi i antymusulmanskimi pohladami i nie chacieŭ, kab jaho razhladali jak paranaidalnaha šyzafrenika.

Abvinavačvańnie zaklikała pryznać jaho psichična chvorym. U takim vypadku jon byŭ by nakiravany na prymusovaje psichijatryčnaje lačeńnie.

Pa słovach samoha Brejvika, hvałtoŭnaje psichijatryčnaje lačeńnie było b dla jaho «horšym za śmierć».

Abviaščeńnie prysudu Brejvik sustreŭ z uśmieškaj na tvary. U zale suda jon siadzieŭ pobač z advakatami, a nie za šklanoj pieraharodkaj, jakuju, jak čakałasia, zbudavali, kab adździalić jaho ad svajakoŭ zahinułych.

Sud nad Andersam Brejvikam praciahvaŭsia 10 tydniaŭ.

Bi-Bi-Si

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH