Pracavać na parłamienckich vybarach u Biełarusi buduć bolš čym 600 mižnarodnych naziralnikaŭ,paviedamiła 24 žniŭnia na
Pavodle jaje słoŭ, kala 600 naziralnikaŭ buduć uvachodzić u misii BDIPČ ABSIE i SND, taksama ŭ jakaści naziralnikaŭ buduć akredytavanyja pradstaŭniki Centrvybarkamaŭ roznych krain i ekśpierty.
Pa stanie na 23 žniŭnia, Centrvybarkam akredytavaŭ 157 mižnarodnych naziralnikaŭ.105 ź ich pradstaŭlajuć misiju naziralnikaŭ ad SND, 48 — BDIPČ ABSIE. Akramia taho, try čałavieki pradstaŭlajuć CVK Rasii, jašče adzin — CVK Małdovy.
Jak paviedamiła Jarmošyna, z Centrvybarkama Ukrainy pryjšoŭ list z prabačeńniami ab tym, što jaho pradstaŭniki nie zmohuć uziać udzieł ŭ nazirańni za vybarami ŭ Biełarusi ŭ suviazi z praviadzieńniem vybarčaj kampanii ŭ siabie ŭ krainie. A voś kiraŭnik CVK Kazachstana nieaficyjna paćvierdziŭ svoj pryjezd u Biełaruś.
Kiraŭnik biełaruskaj CVK taksama paviedamiła, što atrymała zaprašeńnie ŭziać udzieł u nazirańni za parłamienckimi vybarami ŭ Hruzii, jakija projduć 1 kastryčnika.
