Pres-sakratar biełaruskaha MZS Andrej Savinych prakamentavaŭ adklikańnie ŭ Biškiek nadzvyčajnaha i paŭnamocnaha ambasadara ŭ Biełarusi Eryka Asanalijeva dla kansultacyj.
«MZS Biełarusi nie atrymlivaŭ nijakaj aficyjnaj infarmacyi pa hetym pytańni ad kirhiskaha boku».
Taksama Savinych adznačyŭ: «Uličvajučy, što kirhiskaja nota pastupiła ŭ naš adras usiaho čatyry dni tamu, ja dumaju, što vam treba ŭdakładnić pazycyju kirhiskaha boku, pierš čym raspaŭsiudžvać takuju infarmacyju».
Savinych paraiŭ udakładnić aficyjnuju pazycyju kirhiskaha boku.
U ambasadzie Kirhizstana ŭ Miensku karespandentu Svabody skazali, što ambasadar znachodzicca ŭ kamandziroŭcy. Sytuacyju tam nie kamentujuć.
