Pra heta zajaviŭ staršynia Savieta Respubliki Nacyjanalnaha schodu — kiraŭnik dziaržaŭnaj kamisii pa kantroli za chodam padrychtoŭki i praviadzieńnia ŭstupnych ispytaŭ va ŭstanovach vyšejšaj i siaredniaj śpiecyjalnaj adukacyi ŭ 2012 hodzie Anatol Rubinaŭ 24 žniŭnia na pres-kanfierencyi ŭ Minsku.
Pavodle jaho słoŭ, prapanovy ab źmienie pravił pryjomu ŭ VNU byli padrychtavany jašče letaś, ale ź ich uviadzieńniem vyrašyli pačakać. Ciapierašniaja ŭstupnaja kampanija čarhovym razam pakazała nieabchodnaść źmienaŭ, adznačyŭ Rubinaŭ.
U šerahu vypadkaŭ ilhotniki "nieapraŭdana zabirali miescy ŭ macniejšych i lepš padrychtavanych abituryjentaŭ", skazaŭ jon. Naprykład, u BDU na śpiecyjalnaści "Sacyjalnyja kamunikacyi" pry prachadnym bale 364 na biudžet pastupili dzieci-siroty z bałami 156 i 208. U Biełaruskim nacyjanalnym techničnym univiersitecie pry pastupleńni na śpiecyjalnaść "Mytnaja sprava" abituryjent, jaki nabraŭ 318 bałaŭ, byŭ vycieśnieny lhotnikam, jaki maje 170 bałaŭ.
"Uzrovień padrychtoŭki abituryjentaŭ ź sielskaj miascovaści pastupova nabližajecca da ŭzroŭniu, jaki demanstrujuć haradžanie, — adznačyŭ kiraŭnik dziaržkamisii. — U BDU, naprykład, na 67% śpiecyjalnaściaŭ, pa jakich pravodziłasia zaličeńnie, vypuskniki sielskich škoł byli macniejšyja za haradskich adnahodkaŭ. Tamu nieapraŭdanaje praviadzieńnie paasobnaha konkursu pamiž sielskimi i haradskimi vypusknikami".
"Ilhoty nie pavinny być vyrašalnym arhumientam pry zaličeńni. Treba zaličvać na asnovie roŭnaha, adnolkavaha konkursu, na asnovie viedaŭ. Tym, chto maje patrebu, treba davać sacyjalnyja lhoty: admiena płaty za praviadzieńnie testavańnia, vyzvaleńnie ad płaty za navučańnie, davańnie internata, ilhotnych kredytaŭ i hetak dalej", — skazaŭ Rubinaŭ.
Na jaho dumku, treba i dalej pavyšać patrabavańni da jakaści viedaŭ abituryjentaŭ.
