Dzieviać źniavolenych, raniej asudžanych da śmierci, byli pakaranyja ŭ Hambii ŭ noč z čaćviarha na piatnicu. Fakt pakarańnia paćvierdzili nadziejnyja krynicy, paviedamiła Amnesty International. «Takaja ž dola pahražaje ŭ bližejšy čas jašče šerahu ludziej», — havorycca ŭ zajavie pravaabarončaj arhanizacyi. Pa dadzienych Amnesty International,

siarod pakaranych byli adna žančyna i troje asudžanych za «dziaržaŭnuju zdradu».
Vystupajučy ŭ minułuju niadzielu pa nacyjanalnym telebačańni ŭ suviazi z musulmanskim śviatam Id al-Fitr, prezident Hambii Jaja Džame zajaviŭ, što «ŭsie raniej vyniesienyja śmiarotnyja prysudy buduć pryviedzienyja ŭ vykanańnie da siaredziny nastupnaha miesiaca».
U hambijskich turmach znachodziłasia 47 śmiarotnikaŭ.
Pa dadzienych ahienctva Frans pres, jakoje spasyłajecca na krynicu ŭ siłavych strukturach Hambii, usich ich skancentravali ŭ adnym miescy.

Apošniaje pakarańnie śmierciu ŭ Hambii adbyłasia ŭ 1985 hodzie. Śmiarotnaje pakarańnie ŭ krainie była admieniena pry raniejšym prezidencie Daudu Džavaru i farmalna adnoŭlena ŭ 1995 hodzie paśla prychodu da ŭłady Jaja Džame.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?