25 žniŭnia 1991-ha byli jurydyčna zamacavanyja vyniki zmahańnia pakaleńniaŭ za niezaležnaść — Viarchoŭny Saviet nadaŭ Deklaracyi ab dziaržaŭnym suverenitecie status kanstytucyjnaha zakonu.

Ludzi na płoščy, 25 žniŭnia 1991 h.

Ludzi na płoščy, 25 žniŭnia 1991 h.

Pačatak nadzvyčajnaj sesii VS 24 žniŭnia 1991 h. Sa ściaham - Valancin Hołubieŭ, Zianon Paźniak, Volha Hałubovič.

Pačatak nadzvyčajnaj sesii VS 24 žniŭnia 1991 h. Sa ściaham - Valancin Hołubieŭ, Zianon Paźniak, Volha Hałubovič.

Sesija była sklikanaja na patrabavańnie deputataŭ Apazycyi BNF, da jakich dałučylisia inšyja demakratyčnyja deputaty (usiaho za sklikańnie sesii vykazałasia 84 deputaty), i pracavała 24–25 žniŭnia. Prezydyjum VS prapanavaŭ paviestku dnia z dvuch punktaŭ — «Ab biahučym momancie» i «Ab sajuznym dahavory», apazycyja BNF uniesła pakiet prapanoŭ, siarod jakich byli hałoŭnymi abviaščeńnie niezaležnaści, pytańnie ab adkaznaści kiraŭnictva VS za biaździejańnie ŭ dni putču, ab zabaronie KPB-KPSS, ab stvareńni ŭłasnaha vojska.

Pierad pačatkam sesii hrupa deputataŭ BNF damahłasia pradstaŭleńnia pramoha teleefiru i źviarnułasia da žycharoŭ Miensku z zaklikam prychodzić na płošču pierad Domam uradu. Na płoščy sabralisia tysiačy ludziej.

U vyniku, kamunistyčnaja bolšaść była vymušanaja pahadzicca z bolšaściu prapanoŭ deputataŭ BNF. Staršynia VS Mikałaj Dziemianciej padaŭ u adstaŭku, dziejnaść KPB-KPSS była prypynienaja. Narešcie, Deklaracyi ab dziaržaŭnym suverenitecie BSSR byŭ nadadzieny status kanstytucyjnaha zakonu — Biełaruś jurydyčna zrabiłasia niezaležnaj dziaržavaj.

​​Užo praź niekalki dzion pačaŭsia praces pryznańnia Biełarusi krainami śvietu — tak, u pačatku vieraśnia hazeta «Svaboda» paviedamiła, što Polšča pryznała Biełaruś jak niezaležnuju dziaržavu.

Praź niekalki tydniaŭ, u vieraśni 91-ha, Viarchoŭny Saviet pryniaŭ rašeńnie ab nazovie krainy (zamiest BSSR — Respublika Biełaruś) i nadańni bieł-čyrvona-biełamu ściahu i hierbu «Pahonia» statusu dziaržaŭnych symbalaŭ.

«My ź vialikim šanavańniem pavinny pamiatać i adznačać usie padziei, źviazanyja sa zmahańniem i śćviardžeńniem našaje dziaržaŭnaje niezaležnaści, — miarkuje tahačasny staršynia Apazycyi BNF Zianon Paźniak. — Heta najpierš 25 Sakavika 1918 hoda, śviata, jakoje my adznačajem jak Dzień Voli i abjaŭleńnie niezaležnaści BNR. Heta 27 lipienia 1990 hoda — dzień abjaŭleńnia Deklaracyi ab niezaležnaści BSSR, jakaja była pryniataja Viarchoŭnym Savietam u vyniku ŭdałaha vykarystańnia harbačoŭskaj palityki i dziakujučy najpierš racyjanalnaj i achviarnaj baraćbie deputataŭ Apazycyi BNF u Viarchoŭnym Saviecie.

Heta narešcie — vianiec usich padziej — dasiahnieńnie realnaj niezaležnaści Biełarusi 25 Žniŭnia 1991 hoda».
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?