U minskim vydaviectvie «Miedysont» vyjšła kniha spartyŭnaha žurnalista Siarhieja Alachnoviča pra biełaruskaha chakieista Rusłana Saleja «Prosta najlepšy. Simply the Best».

Abaronca kamandy «Łakamatyŭ» (Jarasłaŭl) i zbornaj Biełarusi Rusłan Salej zahinuŭ 7 vieraśnia 2011 hoda va ŭzroście 36 hadoŭ u avijakatastrofie pad Jarasłaŭlem, kali kamanda vylatała ŭ Minsk na pieršy matč novaha siezona Kantynientalnaj chakiejnaj lihi suprać «Dynama».

«Heta kniha — danina pamiaci vialikamu biełaruskamu chakieistu Rusłanu Saleju, a taksama hulcam, trenierskamu štabu jarasłaŭskaha „Łakamatyva“ i členam ekipaža samalota Jak-42D, jakija zahinuli ŭ avijakatastrofie ŭ jarasłaŭskim aeraporcie Tunašna. Ale heta nie kniha-rekvijem, jana — pra žyćcio. Pra žyćcio najlepšaha hulca ŭ historyi biełaruskaha chakieja, u jakoj, niahledziačy na adviedzienyja jamu na hetaj Ziamli niapoŭnyja 37 hadoŭ, Rusłan paśpieŭ zrabić vielmi šmat», — napisaŭ Siarhiej Alachnovič u pradmovie.

Ideja sumiesna napisać knihu ŭ žurnalista ŭźnikła ŭ 2003 hodzie, kali Salej u składzie kłuba NCHŁ «Anachajm» staŭ pieršym biełaruskim chakieistam, jaki vystupiŭ ŭ finale Kubka Stenli.
«Raści, jak zvali jaho pa toj bok Atłantyki kalehi pa prafiesii, ideju padtrymaŭ. Na praciahu niekalkich tydniaŭ my ledź ni štodnia sustrakalisia — jon raskazvaŭ, a dyktafon zapisvaŭ kasietu za kasietaj. Adnak nieŭzabavie biełaruskaj „mahutnaj kačcy“ heta, padobna, nadakučyła — u adpačynku jość bolš pryjemnaje baŭleńnie času, i jon prapanavaŭ: „Sierž, davaj vierniemsia da knihi paśla taho, jak zaviaršu karjeru“. Tak i vyrašyli», — raskazaŭ žurnalist historyju stvareńnia knihi.

Toje, što kniha pra Saleja abaviazkova patrebnaja, jon kančatkova vyrašyŭ na Uschodnich mohiłkach Minska 2 listapada 2011 hoda — u dzień naradžeńnia chakieista. U pieršuju častku ŭvajšli hutarki 2003 hoda, sustrečy ŭ nastupnyja hady, frahmienty razmoŭ pa telefonie i skajpie. Astatnija try častki — uspaminy pra Saleja jaho mamy Tamary Haŭryłaŭny i žonki Betan, treniera Majka Bebkaka, NCHŁaŭcaŭ i hulcoŭ zbornaj, jakija nieadnarazova vychodzili ź im na lod, a taksama raniej apublikavanyja intervju Alachnoviča z Salejem i «roznaja statystyka, jakaja tolki paćviardžaje, što ŭ biełaruskim chakiei Salej — prosta najlepšy. Simply the Best». Nazva knihi, pavodle słoŭ Alachnoviča, niepasredna źviazana sa znakamitaj pieśniaj Ciny Ciornier.

Da vychadu knihi aŭtar nie dažyŭ: Siarhiej Alachnovič pamior 27 lipienia hetaha hoda na 45-m hodzie žyćcia. Jon paśpieŭ zdać knihu ŭ druk i atrymać sihnalny asobnik.

Nakład vydańnia abjomam amal 450 staronak składaje 5.000 asobnikaŭ. Pieršaja tysiača pastupić u prodaž paśla aficyjnaj prezientacyi, jakaja adbudziecca ŭ pačatku vieraśnia i budzie prymierkavana da pieršaj hadaviny avijakatastrofy pad Jarasłaŭlem i 40 dniej sa śmierci žurnalista.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?