Zatrymanaha ŭ Hrodnie namieśnika staršyni Biełaruskaj partyi levych «Spraviadlivy śviet», kandydata ŭ deputaty Pałaty pradstaŭnikoŭ Valeryja Uchnalova adpuścili ź milicyi tolki apoŭnačy. Uchnaloŭ byŭ zatrymany kala 18-j hadziny, kali jechaŭ z dačkoj da rodzičaŭ u Hrodnie.

«Šukali niejkich bujnych hrošaj, praviali vobysk mašyny i kvatery maich rodzičaŭ i navat susiedziaŭ», —
paviedamiŭ Valeryj Uchnaloŭ:

— Šukali peŭna vialikija hrošy, tamu pakul ja byŭ u pastarunku, jany praviali niesankcyjanavany vobysk u maich rodnych u Hrodnie, u susiedziaŭ rodnych, na pracy ŭ susiedziaŭ rodnych. Tyja hrošy, jakija lažali ŭ maim partfieli ich nie zacikavili, jany ich zabrali i buduć praviarać, ci jany nie falšyvyja. Na majo pytańnie, što jany šukajuć, jany ničoha mnie nie adkazvali.

Valeryj Uchnaloŭ źviazvaje ŭčarašniaje zatrymańnie z vybarčaj kampanijaj i ź ciskam na čalcoŭ partyi, jakija vyłučanyja kandydatami ŭ deputaty.

— Heta pačatak cisku.

Taksama adzin z našych zarehistravanych kandydataŭ musiŭ źniacca, tamu što ŭ jaho akruzie idzie kandydatam adzin z kiraŭnikoŭ KDB.
Tamu na jaho i jaho svajakoŭ pačaŭsia vielmi vialiki cisk. Jon byŭ zarehistravany i źniaŭ svaju kandydaturu, skazaŭšy, što jon nie budzie padstaŭlacca, rabić tak, kab ŭ rodnych byli prablemy.

Usio heta pravodzicca ŭ ramkach zapałochvańnia kandydataŭ u deputaty ad partyi. Sam Uchnaloŭ źnimacca z vybarčaj honki nie dumaje, adznačyŭšy, što ŭčarašniaje zatrymańnie i vobyski źviazany bolej ź jaho partyjnaj dziejnaściu, nie jak z kandydatam ŭ deputaty.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?