Z 1 pa 21 žniŭnia rost spažyvieckich cen skłaŭ 2,2%, paviedamiŭ Nacyjanalny statystyčny kamitet. Heta aznačaje, što

žnivieńskaja inflacyja moža stać sioleta samaj vysokaj, tamu što pa vynikach miesiaca rost cen nie pieravyšaŭ 1,9%.

Najbolšy pryrost cen z pačatku miesiaca adznačany na harełku (10,7%), miasa ptuški (7,5%), techničnaje absłuhoŭvańnie žyłych pamiaškańniaŭ (26,6%), pasłuhi elektrazabieśpiačeńnia (23,7%), suviazi (16,8%).

«U suviazi z masavym pastupleńniem u prodaž płodaaharodninnaj pradukcyi ŭradžaju hetaha hoda» ceny na śviežyja pamidory źnizilisia na 34,5%, morkvu — na 26,1%, bulbu — na 18,4%, buraki — na 17,2%, biełakačannuju kapustu — na 14,2%, repčatuju cybulu — na 7,1%, banany — na 16,6%, jabłyki — na 13,9%.

Za studzień-lipień ceny ŭzraśli na 12%, z ulikam 21 dnia žniŭnia — na 14,5%. Za studzień spažyvieckija ceny pavialičylisia na 1,9%, luty — na 1,5%, sakavik — na 1,5%, krasavik — na 1,7%, maj — na 1,6%, červień — na 1,8%, lipień — na 1,3%.

Pa vynikach hoda ŭrad raźličvaje ŭtrymać inflacyju ŭ miežach 19–22%. U 2011 hodzie spažyvieckija ceny ŭzraśli na 108,7%.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?