Pa mienšaj miery 19 čałaviek zahinuli ŭ vyniku vybuchu na najbujniejšym naftapierapracoŭčym zavodzie Vieniesueły. 53 čałavieki atrymali ranieńni.

Incydent adbyŭsia rańniaj ranicaj u subotu na terytoryi zavoda, raźmieščanaha na paŭvostravie Parahuana kala partovaha horada Amuaj na poŭnačy krainy.

Dziaržaŭnaje telebačańnie pakazała kadry, na jakich bačnyja kłuby čornaha dymu, jakija ŭzdymajucca nad zavodam.

Pa słovach ministra enierhietyki Vieniesueły Rafaela Ramiresa, pryčynaj vybuchu stała ŭciečka hazu, ad jakoj paciarpieli i niekalki raźmieščanych pablizu damoŭ.

* * *

NPZ «Amuaj», jaki naležyć nacyjanalnaj naftavaj kampanii Petroleos de Venezuela SA,
źjaŭlajecca častkaj najbujniejšaha ŭ krainie naftapierapracoŭčaha kompleksu «Parahuana», jaki, u svaju čarhu, zajmaje druhoje miesca ŭ śviecie pa abjomach vytvorčaści.

Štodnia na zavodzie pierapracoŭvajecca 645 tysiač barelaŭ nafty, a ŭ ramkach usiaho kompleksu — bolš za 950 tysiač barelaŭ.

Pa słovach ekśpiertaŭ,

na naftapierapracoŭčych zavodach Vieniesueły, jakaja źjaŭlajecca najbujniejšym eksparcioram nafty ŭ Paŭdniovaj Amierycy, niaredka zdarajucca avaryi i katastrofy.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?