U pačatku žniŭnia Nił Armstranh pieranios apieracyju na karanarnych arteryjach, jana dała peŭnyja ŭskładnieńni.
Armstranh staŭ viadomym 20 lipienia 1969 hoda. Jon staŭ pieršym čałaviekam, što stupiŭ na Miesiac. Razam z naparnikam Edvinam Ołdrynam jany praviali na spadarožniku Ziamli bolš za dźvie hadziny. Mienavita Armstranhu naležyć fraza:
«Heta byŭ maleńki krok dla čałavieka, ale hihancki skačok dla čałaviectva».

Armstranh naradziŭsia 5 žniŭnia 1930 u štacie Ahajo (darečy, paśla Druhoj suśvietnaj u hetym štacie asieła šmat biełarusaŭ). Nił vyvučyŭ avijacyjnuju pramysłovaść va ŭniviersitecie Pierdju (Indyjana). Navučańnie apłočvała dziaržava. U abmien chłopiec paabiacaŭ pajści na try hady ŭ vojska.

Słužyŭ u vajskova-marskich siłach ZŠA lotčykam, vypraboŭvaŭ reaktyŭnyja samaloty. Udzielničaŭ u karejskaj vajnie. Mieŭ bajavyja ŭznaharody.
Z 1958 rychtavaŭsia da palotaŭ na rakietapłanie. U 1962 zaličany ŭ druhi nabor astranaŭtaŭ NASA i pačaŭ rychtavacca da palotaŭ u kosmas. Pieršy palot byŭ ździejśnieny ŭ sakaviku 1966.

Praz try hady jon uznačaliŭ histaryčny ekipaž «Apałona-11».

Paśla pracavaŭ vykładčykam va ŭniviersitecie Cyncynaci. U 1986 Armstranh źjaŭlaŭsia vice-staršynioj śledčaj kamisii, što rasśledavała hibiel šatła «Čelendžer». Apošnija hady jon pražyŭ na radzimie ŭ štacie Ahajo.

Skieptyki pa siońnia spračajucca, ci byŭ jon nasamreč na Miesiacy.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?