Miadźviedź hryźli napaŭ na turysta ŭ nacyjanalnym parku na Alascy, u vyniku čaho mužčyna pamior. Incydent adbyŭsia ŭ nacyjanalnym parku Denali ŭviečary ŭ piatnicu.

Maršrut turysta pralahaŭ uzdoŭž raki Tokłat, jakaja znachodzicca na terytoryi nacyjanalnaha parku. Pa šlachu mužčyna ŭbačyŭ miadźviedzia i, vyrašyŭšy jaho sfatahrafavać, padyšoŭ da jaho na zanadta blizkuju adlehłaść — mienš 45 mietraŭ.

Miarkujučy pa fatahrafijach, znojdzienym u fotaaparacie mužčyny, spačatku miadźviedź nie vyjaŭlaŭ nijakaj ahresii.
Turyst zmoh bieśpieraškodna fatahrafavać jaho na praciahu pa mienšaj miery vaśmi chvilin, pierš čym hryźli napaŭ na jaho.

Miadźviedzia prystrelili.

Pradstaŭniki nacyjanalnaha parku śćviardžajuć, što heta pieršy śmiarotny vypadak z udziełam hryźli za ŭsiu historyju hetaj pryrodaachoŭnaj terytoryi z 1917 h.

Kožny hod nacyjanalny park naviedvaje bolš za miljon turystaŭ.

Dla taho kab atrymać dazvoł naviedać park, usie turysty prachodziać instruktaž, jak pavodzić siabie ŭ vypadku sutyknieńnia z hryźli.

Da žyviołaŭ nie rekamiendujecca padychodzić na adlehłaść mienš za 400 mietraŭ.
U prysutnaści miadźviedziaŭ nie treba rabić rezkich ruchaŭ, kryčać abo sprabavać ŭciačy. Kali hryźli sprabuje padyści bližej, turystam rekamiendujuć pavolna adychodzić nazad.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?