Słužba zamiežnaj raźviedki Rasii (SZR) abviaściła try zakrytyja tendary na sumu zvyš 30 młn rub., meta jakich — vypracoŭka novych mietodyk manitorynhu błohaśfiery, piša «Kommiersant».
Try prajekty, choć i raźbityja na roznyja tendary, ciesna źviazanyja adzin z adnym.
Płanujecca, što spačatku manitoryć błohaśfieru budzie sistema «Dysput», jakaja pavinnaja zajmacca «daśledavańniem pracesaŭ farmavańnia supolnaściaŭ raspaŭsiudu infarmacyi ŭ sacyjalnych sietkach» i «vyznačeńniem faktaraŭ, jakija ŭpłyvajuć na papularnaść i raspaŭsiudžanaść źviestak».
Zatym atrymanuju infarmacyju budzie analizavać sistema
Jaje zadača — «raspracoŭka mietadaŭ arhanizacyi i kiravańnia ŭ internecie virtualnaj supolnaściu ekśpiertaŭ, jakija praduhledžvajuć pastanoŭku zadańniaŭ, kantrol pracy ŭ sacyjalnych miedyjach i rehularnaje atrymańnie ad ekśpiertaŭ infarmacyi ŭ zadadzienych pradmietnych halinach».
I ŭžo na asnovie atrymanych dadzienych ukidvać patrebnuju infarmacyju ŭ sacyjalnaj sietki pačnie sistema«Štorm-12» .
Surazmoŭcy «Kommiersanta» ŭ rasijskich śpiecsłužbach nie vyklučajuć, što paśla taho jak SZR atrymaje ŭ svajo rasparadžeńnie prahramy
«Paśla taho jak raspracoŭka zavieršycca, pačnucca papiarednija vyprabavańni, jakija pavinnyja buduć dakazać efiektyŭnaść sistemy», — tłumačyć adna z krynic «Kommiersanta». Na pytańnie pra toje, na jakich mienavita krainach hetyja raspracoŭki buduć aprabavanyja, surazmoŭca haziety adkazaŭ unikliva: «Na pieršym etapie heta mohuć być krainy Uschodniaj Jeŭropy, jakija ŭvachodzili ŭ skład Savieckaha Sajuza».
