Śledčym kamitetam pa materyjałach hałoŭnaha ŭpraŭleńnia pa baraćbie z arhanizavanym złačynstvam i karupcyjaj MUS Biełarusi zaviedziena kryminalnaja sprava ŭ adnosinach da mastackaha kiraŭnika i administratara minskaha «Dańkaŭ-kłuba».
Jak paviedamili ŭ adździele infarmacyi i suviazi z hramadskaściu SK, z materyjałaŭ kryminalnaj spravy vynikaje, što
padazravanyja z 2006 hoda pa siońnia pa miescy pracy vykarystoŭvali zaniatki prastytucyjaj u karyślivych metach, a taksama pradstaŭlali pamiaškańni dla zaniatkaŭ prastytucyjaj.
Dziejańni słužbovych asobaŭ kvalifikavany pa č.2 art. 171 KK
(vykarystańnie zaniatku prastytucyjaj albo stvareńnie ŭmovaŭ dla zaniatkaŭ prastytucyjaj, ździejśnienaje słužbovaj asobaj z vykarystańniem svaich słužbovych paŭnamoctvaŭ).
Śledčymi praviedzieny ahlady i vobšuki pa miescy žycharstva i pracy padazravanych, dapytanyja śviedki. Mastacki kiraŭnik Dankoff Club zatrymany.