Kolkaść kandydataŭ u deputaty pałaty pradstaŭnikoŭ moža pavialičycca,paviedamiła staršynia Centralnaj kamisii Respubliki Biełaruś pa vybarach i praviadzieńniu respublikanskich refierendumaŭ Lidzija Jarmošyna ŭ efiry telekanała ANT.
«Kolkaść kandydataŭ hipatetyčna pavinna pavialičycca», — skazała Lidzija Jarmošyna.
Jana dadała, što niekatorych z vyłučencaŭ, jakim raniej było admoŭlena ŭ rehistracyi, CVK moža ŭsio ž zarehistravać, razhledzieŭšy ich skarhi.
Pry hetym, jak adznačyła kiraŭnik CVK, užo ciapier jość zajavy ad niekatorych palityčnych partyj ab tym, što jany vyjduć ź pieradvybarnaj kampanii niezadoŭha da samoha dnia vybaraŭ: «Heta taksama moža značna źmianić kolkaść tych, chto ŭdzielničaje ŭ vybarach».
Tak, u Alaksandra Milinkieviča byŭ parušany paradak vyłučeńnia: «Tam značnaja kolkaść podpisaŭ pryznana niesapraŭdnaj. Heta značyć jany sabrany niapravilna». Što datyčycca humarysta Jaŭhiena Kryžanoŭskaha, to kiraŭnik CVK rastłumačyła: «Jon ličyć, što niapravilna padyšli ŭ akruhovaj kamisii da tych danych, jakija jon pryvioŭ u dekłaracyi ab dachodach i majomaści. Ja chacieła b padkreślić, što toje, što pradstaŭlajuć kandydaty, — heta nie padatkovaja dekłaracyja… Heta ŭsiaho tolki źviestki ab tym, što jany majuć. Tamu tut spasyłki na toje, što padatkovaja inśpiekcyja pretenzij nie maje, niedarečnyja».Akramia taho, Lidzija Jarmošyna prakamienciravała, čamu było admoŭlena ŭ rehistracyi niekatorym vyłučencam.
0
0
0
0
0
0
