Pa tradycyi ŭ pieršy tydzień paśla Vialikadnia 9‑14 krasavika ŭ minskim kaściole Śviatoj Trojcy na Załatoj Horcy projdzie vośmy fiestyval duchoŭnaj muzyki «Załatahorskaja lira». Ab hetym karespandentu BIEŁTA paviedamiŭ kaardynatar fiestyvalu Viktar Kiścień.
U sieradu svajo majsterstva prademanstruje ansambl ruskich narodnych instrumientaŭ «Kupiel» minskaha Doma miłasernaści. U čaćvierh i piatnicu ŭ kaściole Praśviatoj Trojcy projduć vystupleńni roznych vykanaŭcaŭ.
U ramkach fiestyvalu adbuducca dźvie tvorčyja sustrečy: majstar‑kłas polskaha lutnista z Krakava Antonija Pilcha (u CPR «Majak») pa vystupleńniach na aŭtentyčnych staražytnych instrumientach i dyskusija na temu papularyzacyi sučasnaj akademičnaj muzyki z Maryjetaj Kruziel‑Sasnoŭskaj (u pamiaškańni Biełaruskaha sajuza kampazitaraŭ). Akramia taho, u subotu adbudziecca prezientacyja dakumientalnaha filma ab staradaŭnich biełaruskich muzyčnych instrumientach (režysior — lider hrupy «Stary Olsa» Źmicier Sasnoŭski).