17 krasavika na aŭtadarohach pablizu staličnych mohiłak budzie źmieniena arhanizacyja ruchu.
Jak paviedamili «Źviaździe» va ŭpraŭlenni Dziaržaŭtainśpiekcyi MUS krainy, karektyvy ŭ maršrut transpartnych srodkaŭ buduć uniesieny ŭ suviazi z tym, što na Radaŭnicu miescy pachavańniaŭ svaich rodnych i blizkich naviedvaje vialikaja kolkaść ludziej. Mnohija pryjeduć na ŭłasnych aŭtamabilach. I dziela taho, kab paźbiehnuć zatoraŭ, hramadski transpart budzie kursiravać pa śpiecyjalna vyznačanych maršrutach, a asobnyja ŭčastki daroh buduć pierakryty dla ruchu pryvatnych aŭto.
U pryvatnasci, prajechać na ŭłasnym aŭtamabili z Minska da Michanavickich mohiłak možna budzie tolki pa darozie «Novy Dvor—Michanavičy—Piacieŭščyna». Viartacca ŭ stalicu daviadziecca pa darozie «Asiejeŭka—Michanavičy».
Hramadzianie, jakija majuć namier na svaich aŭto naviedać Paŭnočnyja mohiłki, pavinny viedać, što na ŭčastku darohi «Kałodziščy— Zasłaŭje»: ad pierasiačeńnia z trasaj «Minsk—Kałačy—Miadzieł» da vioski Zabałoćcie, budzie adnabakovy ruch u napramku Cny. Na hetym ža ŭčastku darohi dla ruchu ŭ sustrečnym napramku budzie vydzielena śpiecyjalnaja pałasa hramadskamu transpartu.
Pablizu Čyžoŭskich mohiłak na MKAD dla pryvatnaha transpartu budzie arhanizavany adnabakovy ruch z vyjezdam na darohu «Novy Dvor —Michanavičy—Piacieŭščyna». Nasuprać mohiłak, u poli, budzie abstalavana aŭtastajanka na 1200 miescaŭ. Piešachody zmohuć prajsci da mohiłak nie tolki praz tunel, ale pa MKAD, dzie budzie časovy pierachod. U metach biaśpieki piešachodaŭ na ŭčastku kalcavoj darohi pobač z Čyžoŭskimi mohiłkami chutkaść ruchu časova abmiažujecca 50 kiłamietrami ŭ hadzinu. Tut ža budzie zabaronieny i prypynak transpartnych srodkaŭ.
Taksama daviadziecca źmienšyć chutkaść, pryčym da 40 kiłamietraŭ u hadzinu, i vadzicielam, jakija buduć jechać pa praśpiekcie Niezaležnasci ŭ bok Uschodnich mohiłak. Pakolki na śpiecyjalnaj placoŭcy ŭ taki dzień zvyčajna nie chapaje miesca dla ŭsich aŭtamabilaŭ, na praśpiekcie, nasuprać mohiłak, budzie vydzieleny ŭčastak dla stajanki transpartnych srodkaŭ.
Fota photo.bymedia.net
