U respublicy ŭ studzieni—lutym hetaha hoda naradziłasia 15 tys. 789 dziaciej. Heta na 9,9 pracenta bolš, čym u studzieni—lutym letaś. Pryčym siarod haradskoha nasielnictva kolkaść novanarodžanych za dva miesiacy 2007 hoda «pryplusavała» da anałahičnaha pieryjadu 2006 hoda na 11,7 pracenta, siarod viaskovaha — na 5,2 pracenta.
Pavodle słoŭ śpiecyjalistaŭ, siarod rehijonaŭ Biełarusi maksimalny pryrost kolkasci narodžanych adznačajecca ŭ Homielskaj vobłasci — 16,8 pracenta. Na druhoj pazicyi pa hetamu pakazčyku — Bresckaja vobłaść (kolkaść niemaŭlat pavialičyłasia na 12,6 pracenta), na treciaj — horad Minsk (na 11,4 pracenta). Najmienšy pryrost adznačany ŭ Mahiloŭskaj vobłasci (5,1 pracenta). Hety pakazčyk u Viciebskaj i Minskaj abłaściach skłaŭ adpaviedna 6 i 6,3 pracenta.
U ministerstvie adznačyli, što ŭ Biełarusi ŭmacoŭvajecca tendencyja znižeńnia śmiarotnasci. U respublicy ŭ studzieni—lutym hetaha hoda pamierli 23 tys. 205 čałaviek (92,8 pracenta da studzienia—lutaha 2006 hoda). Znižeńnie śmiarotnasci adbyłosia za košt źmianšeńnia kolkasci pamierłych praktyčna pa ŭsich hrupach asnoŭnych pryčyn śmierci, za vyklučeńniem chvarob orhanaŭ stravavańnia. Istotna zniziłasia śmiarotnaść ad źniešnich pryčyn — na 12,8 pracenta. Asabliva značna zniziłasia śmiarotnaść ad vypadkovych atručvańniaŭ ałkaholem — na 27,6 pracenta.
Takija źviestki daje hałoŭnaje upraŭleńnie palityki zaniatasci i narodanasielnictva Ministerstva pracy i sacyjalnaj abarony.