U Starym zamku Haradzienskaha dziaržaŭnaha historyka‑archiealahičnaha muzeju adčyniłasia vystava, pryśviečanaja viadomamu palityčnamu dziejaču i papularnamu kampazytaru XVIII‑XIX stahodździaŭ Michału Kleafasu Ahinskamu, aŭtaru viadomaha palanezu «Raźvitańnie z Radzimaj».
Kala 40 kserakopijaŭ fotazdymkaŭ pradstaviŭ na vystavie Dziaržaŭny muzej historyi teatralnaj i muzyčnaj kultury Biełarusi. Na ich adlustravany Ahinski i pradstaŭniki jaho rodu, u tym liku syny, dočki, unuki, palityčnyja i dziaržaŭnyja dziejačy z rodu Ahinskich.
Ekspanaty adlustroŭvajuć miaściny, źviazanyja ź viadomym kampazytaram, jaho siadzibu Zaleśsie ŭ Smarhonskim rajonie, italjanski horad Flarencyju, dzie jon pravioŭ apošnija hady žyćcia. Pradstaŭlenyja materyjały dapoŭnienyja ekspanatami z fondaŭ Haradzienskaha historyka‑archiealahičnaha muzeju: heta kniha memuaraŭ, napisanaja Michałam Kleafasam Ahinskim i vydadzienaja ŭ Polščy, pierapiska pradstaŭnikoŭ rodu Ahinskich.
Pierasovačnaja vystava ŭžo ekspanavałasia ŭ muzei Ahinskaha ŭ Zaleśsi ‑‑ filijale Dziaržaŭnaha muzeju historyi teatralnaj i muzyčnaj kultury. Espazycyja była taksama pradstaŭlenaja ŭ Smarhonskim rajonnym historyka‑krajaznaŭčym muzei. U Horadni jana pradoŭžycca da 10 traŭnia.