Hałoŭny redaktar «Źviazdy» paprasiŭsia ŭ adstaŭku miesiac tamu i syšoŭ u adpačynak. U sieradu stała viadoma, što kalehija Ministerstva infarmacyi vyrašyła "pryniać prośbu da viedama", ale nie zadavolić.
Adstaŭka Narkieviča vyklikała niepakoj siarod supracoŭnikaŭ vydańnia. Uładzimir Narkievič trymaŭsia na svajoj pasadzie pry ŭsich režymach, ad 1988 hodu. Mnohija rascanili jahony krok jak znak, što cisk na redakcyju z boku idealahičnych orhanaŭ robicca nievynosnym. Dahetul Narkieviču ŭdavałasia zastavacca ŭbaku ad prapahandysckich kampanij, abmiažoŭvajučysia vydrukam «abaviazkovych materyjałaŭ» BIEŁTA, nacyjanalnaha schodu i miascovych savietaŭ. Štopraŭda, jany časam zajmajuć pałovu hazetnaj płoščy.
Narkieviču ŭdavałasia zachoŭvać paznavalnaje abličča hazety, niahledziačy na padzieńnie cikavaści čytačoŭ da tradycyjnaj presy. Nakład hazety pry im dasiahnuŭ svajho piku na chvali biełarusizacyi ŭ 1994 hodzie (207 000 ekzemlaraŭ). Ad taho času jon niaźmienna źnižaŭsia, i na siońnia składaje 37 000 asobnikaŭ — druhi paśla "Nastaŭnickaj haziety" pakazčyk siarod biełaruskamoŭnych vydańniaŭ krainy. Aŭdytoryja hazety pieravažna viaskovaja i niemaładaja.
Svajho rašeńnia U.Narkievič nie kamientuje, tłumačyć jaho koratka — stanam zdaroŭja.