Respublikanskaje ŭnitarnaje pradpryjemstva «Hałoŭnaje ŭpraŭleńnie kapitalnaha budaŭnictva» Kiraŭnictva spravami prezidenta zaprašaje da ŭdziełu ŭ niezvyčajnym konkursie. Pradmietam «dziaržaŭnaj zakupki» vystupaje… iPhone 5, jaki zusim niadaŭna vypuściła ŭ prodaž kampanija Apple.

Pakul UKB žadaje nabyć adzin iPhone 5 z abjomam pamiaci 64 HB.

Abjom zakupki — 13 młn rubloŭ.
Tarhi płanujuć pravieści ŭ pačatku kastryčnika.

— Vam sapraŭdy spatrebiŭsia iPhone 5? — spytali my ŭ śpiecyjalistaŭ UKBa.

— Tak, patrebien. Adzin, čornaha koleru, — raspaviali ŭ administracyjna-haspadarčym adździele.

Nahadajem, na niadaŭniaj naradzie Alaksandr Łukašenka daŭ daručeńnie kantralujučym orhanam pilna sačyć za dachodami i raschodami biełarusaŭ.

«Aŭtamabilaŭ kuča, nie prašturchnucca, u asnoŭnym novyja. Pry žabraku narodzie. Adkul? Kraduć! Ci nie płaciać padatki», — skazaŭ jon.

Tady ž Łukašenka nahadaŭ čynoŭnikam: para spyniać tracić dziaržaŭnyja hrošy na praźmiernaści. «Nijakich aŭtamabilaŭ, bienzinaŭ i ramontaŭ kabinietaŭ być nie pavinna. Lepš niejki prajekt ekanamičny niachaj asvojać», — skazaŭ jon.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?