Staršynia praŭleńnia Nacyjanalnaha banka Nadzieja Jermakova adznačaje składanaści ŭ pieramovach z Antykryzisnym fondam (AKF) JeŭrAzES i Mižnarodnym valutnym fondam.

Ciapier u Minsku pracujuć ekśpierty AKF JeŭrAzES i MVF. Acenačnaja misija AKF, jakaja znachodzicca ŭ Biełarusi z 15 pa 19 kastryčnika, viadzie kansultacyi pa vydzialeńni čaćviortaha tranšu kredytu na sumu 440 młn. dołaraŭ. Heta pytańnie pavinna być razhledžana Savietam AKF 5 śniežnia.

Jak paviedamiła Jermakova siońnia dziaržaŭnamu ahienctvu BiełTA, u ramkach vizitu acenačnaj misii prachodziać sustrečy, idzie praca na ŭzroŭni ekśpiertaŭ. Pakul kazać pra niejkuju vynikovuju acenku z boku misii zaŭčasna, heta moža stać viadoma da kanca tydnia.

«Viadoma, heta niaprostyja pieramovy, na žal. Chaciełasia b, kab jany nas zrazumieli, i my spadziajomsia, što jany nas zrazumiejuć. Nu, a nie zrazumiejuć — budziem spraŭlacca sami», — zajaviła kiraŭnik Nacbanka.

Pryčyna składanaściaŭ, rastłumačyła Jermakova, u tym, što patrabavańni z boku fondu robiacca bolš žorstkimi. «My spadziajemsia, što atrymajem ad Antykryzisnaha fondu tuju sumu, jakaja była prapisana pa pieršapačatkovaj prahramie. Ale prahrama robica bolš žorstkaj, patrabavańni, jakija my pavinny vykanać, robiacca bolš žorstkimi», — skazała jana.

Nahadajem, Saviet AKF JeŭrAzES u červieni 2011 hoda ŭchvaliŭ vyłučeńnie Biełarusi ŭ 2011–2013 hadach kredytu ŭ abjomie 3 młrd. dołaraŭ. Try tranšy kredytu z šaści na ahulnuju sumu 1,68 młrd. užo atrymany.

Nadzieja Jermakova taksama prakamientavała pačatak pracy 18 kastryčnika ŭ Minsku treciaj misii MVF pa postprahramnym manitorynhu. Biełaruś realizavała prahramu stand-by, jakaja była padtrymana kredytam MVF na 3,6 młrd. dołaraŭ, sa studzienia 2009 hoda pa krasavik 2010 hoda. «Funkcyja hetaj misii — postprahramny manitorynh. Ale ŭ toj ža čas u niejkaj stupieni budzie iści havorka pra toje, hatovy ci nie hatovy my da taho, kab havaryć pra novuju prahramu», — skazała kiraŭnik Nacbanka.

Jana nahadała, što na minułym tydni ŭ Tokia adbyŭsia vosieński schod MVF i Suśvietnaha banka. «I treba skazać, što na tych sustrečach, jakija byli ŭ našaj delehacyi z namieśnikam rasparadčaha dyrektara MVF, było vykazana peŭnaje razumieńnie našaj situacyi», — adznačyła kiraŭnik Nacbanka.

U toj ža čas, dadała jana, jość palityčny momant. «Chutčej za ŭsio, hety palityčny momant moža pieraškodzić pačać novuju prahramu z MVF», — ličyć Jermakova.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?