Pavodle źviestak Biełstata, kala 595,5 tys. biełarusaŭ atrymali ŭ žniŭni zarobak da 2 młn rubloŭ. U ich lik uvachodzić 41,7 tys. čałaviek z naličanym zarobkam da 1 młn rubloŭ.
Pry hetym nieabchodna ŭličvać padatki, jakija płocić rabotnik sa svajho zarobku. Takim čynam, na ruki było atrymana jašče mienš.
Samymi raspaŭsiudžanymi zarobkami ŭ Biełarusi stali sumy ad 2 da 3 młn rubloŭ — u 716,8 tys. rabotnikaŭ.
Ad 3 da 4 młn rubloŭ zarabili prykładna 616,2 tys. čałaviek, a bolš za 5 młn rubloŭ było naličana 625,4 tys. biełarusam.

Bolš za ŭsio ad siarednich pakazčykaŭ naličanaha zarobku pa krainie adroźnivajucca zaroblenyja sumy žycharoŭ biełaruskaj stalicy. U Minsku zarpłaty bolš 5 młn jość u 34% rabotnikaŭ (203,8 tys. čałaviek). Za zarobak da 2 młn u stalicy pracujuć 67,9 tys. čałaviek, abo 12% ad ŭličanych statystykaj najomnych rabotnikaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?