Pra heta zajaviŭ pradstaŭnik delehacyi Jeŭrapiejskaha sajuza ŭ Minsku Rudolf Ryšar 25 kastryčnika na kanfierencyi «Harmanizacyja zakanadaŭstva ab biaśpiecy charčovych praduktaŭ i infrastruktury jakaści ŭ Biełarusi ź Jeŭrapiejskim sajuzam» u Minsku.
Pavodle jaho słoŭ, kankurentazdolnaść i adpaviednaść biełaruskich praduktaŭ mižnarodnym normam płanujecca zabiaśpiečyć u ramkach prajekta ES «Padtrymka infrastruktury jakaści ŭ Biełarusi — biaśpieka charčovych praduktaŭ», jaki realizujecca z kanca 2011 hoda pa 24 žniŭnia 2014 hoda. Prajekt finansujecca Jeŭrasajuzam, jaho biudžet — 5 młn. 316 tys. jeŭra.
Jak paviedamiŭ kiraŭnik ekśpiertnaj kamandy prajekta Pietras Mačulskis, u ramkach prajekta zapłanavana ŭdaskanaleńnie sietki biełaruskich refierentnych łabaratoryj, adkaznych za arhanizacyju biaśpieki minieralnaj vady, rybnych, miasnych i małočnych praduktaŭ dla hramadskaha zdaroŭja. Biełaruskaje nacyjanalnaje zakanadaŭstva pa akredytacyi płanujecca pryvieści ŭ adpaviednaści z patrabavańniami ES. Taksama płanujecca zabiaśpiečyć adpaviednaść biełaruskich zakonaŭ patrabavańniam ES u halinie nahladu za rynkam. Akramia taho, płanujecca raspracavać nacyjanalnuju infarmacyjnuju sistemu pa chutkim abmienie infarmacyjaj ab niebiaśpiečnaj charčovaj pradukcyi.
Pasoł Francyi ŭ Biełarusi Mišel Reniery padkreśliŭ važnaść harantavańnia biaśpieki biełaruskich charčovych praduktaŭ dla spažyŭca. Jon nahadaŭ pra niadaŭnija kanflikty Biełarusi z Rasijaj, jakija byli vyklikanyja prablemaj jakaści praduktaŭ, u pryvatnaści małaka.
Jak ličyć Reniery, biełaruskaja sielskahaspadarčaja vytvorčaść, asabliva małočnych i miasnych praduktaŭ, maje vialiki patencyjał, u tym liku i na rynku ES.
