Minhandal: Budziem z bulbaj, burakami, morkvaj i kapustaj 5

Zakładka praduktaŭ raślinavodstva ŭ stabilizacyjnyja fondy praktyčna zavieršana, paviedamiła pres-słužba Ministerstva handlu.

U Biełarusi pa stanie na 1 listapada zakładziena na zachoŭvańnie: 93,2 tys. ton bulby, abo 139% da zadańnia; 39,5 tys.ton kapusty (112%); 21 tys.ton morkvy (120%); 16 tys. ton burakoŭ (122%); 20,8 tys. ton cybuli (121%); 19 tys. ton sadaviny (118%). Pavodle infarmacyi pres-słužby, jak i minułym hodam, značna vyšej za ŭstanoŭlenyja ŭradam abjomy zakładziena pradukcyi ŭ Viciebskaj vobłaści. U hetym rehijonie zadańnie pa pastaŭcy bulby pieravykanana ŭ 2,7 razu, kapusty — u 1,5 razu, burakoŭ — u 1,7 razu, morkvy i cybuli — u 1,8 razu, sadaviny — u 2,8 razu.

Zakładka bulby i płodaaharodninnaj pradukcyi ažyćciaŭlajecca ŭ śpiecyjalizavanyja schoviščy, za jakaściu pradukcyi ŭstanoŭleny pastajanny kantrol, zaznačajuć u Minhandli.

Aprača taho, u metach zabieśpiačeńnia nasielnictva bulbaj, aharodninaj i sadavinoj u rehijonach pravodziać vosieńskija kirmašy. U ich biaruć udzieł sielhasvytvorcy, fizičnyja asoby, jakija realizujuć pradukcyju asabistych padsobnych haspadarak. Pačynajučy ź vieraśnia praviedziena bolš jak 1.600 kirmašoŭ, na jakich realizavana 13 tys. ton bulby i pryblizna 11 tys. ton aharodniny i sadaviny.

«Praca pa stvareńni zapasaŭ bulby, aharodniny i sadaviny na mižsiezonny pieryjad, što pravodzicca ŭ abłaściach i Minsku, dazvolić u poŭnym abjomie zadavolić patreby nasielnictva», — zapeŭnili ŭ ministerstvie.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH