Pavažanyja kalehi! Hramadskaja arhanizacyja «Biełaruskaja asacyjacyja žurnalistaŭ» raspačynaje štohadovy tvorčy konkurs «Volnaje słova».
Konkurs pravodzicca z metaj udaskanaleńnia prafiesijnaha majsterstva supracoŭnikaŭ niezaležnych drukavanych ŚMI i Internet‑vydańniaŭ, zaachvočvańnia talenavitych žurnalistaŭ, stymulavańnia ich dziejnaści ŭ adstojvańni ahulnačałaviečych kaštoŭnaściaŭ, u tym liku pryncypaŭ abjektyŭnaj žurnalistyki i svabody słova.
Prymać udzieł u konkursie majuć prava siabry Hramadskaha abjadnańnia «Biełaruskaja asacyjacyja žurnalistaŭ».
Konkurs pravodzicca ŭ dva etapy.
Na pieršym etapie prymajucca žurnalisckija materyjały, apublikavanyja z 1 studzienia pa 30 červienia 2007 hoda ŭklučna. Vyniki buduć padvodzicca ŭ lipieni 2007 hoda.
Druhi etap uklučaje publikacyi z 1 lipienia da 31 śniežnia 2007 hoda. Pra vyniki budzie abvieščana ŭ studzieni 2008 hoda.
Naminacyi konkursu:
1. Najlepšy infarmacyjny materyjał (repartaž, infarmacyjnaje paviedamleńnie – nie bolš za 3 pracy adnaho aŭtara).
Aceńvajecca:
‑ aryhinalnaść infarmacyi (infarmacyjny fakt, infarmacyjnaja nahoda);
‑ miascovaja navina;
‑ adpaviednaść pryncypam padačy navin;
‑ aryhinalnaść zahałoŭka, lid;
‑ sposaby dasiahnieńnia efiektu prysutnaści (dla repartažu);
‑ aŭtarski styl.
2. Lepšaja analityčnaja publikacyja (artykuł dyskusijnaha, analityčnaha, infarmujučaha, tłumačalnaha płanu – nie bolš za 3 pracy adnaho aŭtara).
Aceńvajecca:
‑ infarmacyjnaja nahoda, hramadskaja značnaść uźniataj prablemy;
‑ adpaviednaść pryncypam napisańnia analityčnaha, dyskusijnaha tekstu;
‑ praporcyi «prysutnaści» mierkavańniaŭ aŭtara i ekśpiertaŭ, dakazalnaść;
‑ styl, sposaby aŭtarskaj padačy;
‑ «pryviazka» da miascovych prablem;
‑ adpaviednaść pryncypam pabudovy infarmujučaha, tłumačalnaha tekstu;
‑ hrafičnaje afarmleńnie materyjału (pry infarmacyjnaj nieabchodnaści).
3. Lepšaja publikacyja litaraturna‑mastackaha žanru ŭ žurnalistycy (narys, ese, recenzija, fieljeton – nie bolš za 3 materyjały adnaho aŭtara).
Aceńvajecca:
‑ infarmacyjnaja nahoda, vybar prablemy;
‑ pierakanalnaść, dakazalnaść, stupień aŭtarskaj arhumientacyi;
‑ aŭtarski styl.
Vyniki tvorčaha konkursu ŭ pieraličanych naminacyjach šlacham tajnaha hałasavańnia padviadzie žury ŭ składzie 7 čałaviek ź liku viadomych žurnalistaŭ i publicystaŭ. Raboty ŭdzielnikaŭ konkursu buduć aceńvacca čalcami žury pa piacibalnaj sistemie.
Pieramožcam budzie pryznany aŭtar, jaki nabiare najbolšuju sumu bałaŭ. U vypadku, kali ŭ dvuch ci bolš pretendentaŭ apyniecca adnolkavaja kolkaść bałaŭ, «lepšaha ź lepšych» vyznačyć paŭtornaje tajnaje hałasavańnie.
U kožnaj z 3‑ch pieršych naminacyj prapanoŭvajecca ŭručeńnie troch hrašovych premij (1 miesca – 300 000 rubloŭ, 2 miesca – 200 000 rubloŭ, 3 miesca – 100 000 rubloŭ) i pamiatnych pryzoŭ.
4. Naminacyja «Pryznańnie kaleh» zasnoŭvajecca dla vopytnych supracoŭnikaŭ niezaležnych ŚMI.
Pieramožca ŭ naminacyi «Pryznańnie kaleh» vyznačajecca šlacham Internet‑hałasavańnia na sajcie BAŽ i ŭznaharodžvajecca hrašovaj premijaj i śpiecyjalnym padarunkam.
5. Naminacyja «Debiut» – dla maładych i pačynajučych žurnalistaŭ, staž pracy jakich (albo supracoŭnictva z redakcyjaj) nie pieravyšaje troch hadoŭ.
Pieramožcu naminacyi «Debiut» uručajecca zaachvočvajučaja premija i hanarovy dypłom BAŽ.
Usie konkursnyja materyjały buduć vystaŭlacca na sajcie arhanizacyi dla publičnaha abmierkavańnia. U budučym praduhledžvajecca ich publikacyja ŭ našym karparatyŭnym časopisie «ABAŽUR», jaki rassyłajecca va ŭsie niezaležnyja i dziaržaŭnyja haziety, pryvatnyja telestudyi i dziaržaŭnyja abłasnyja teleradyjokampanii.
Uvaha! Na konkurs prymajucca vyrazki publikacyj (albo ich, jakasna zroblenyja, kopii), zavieranyja redakcyjnaj piačatkaj i podpisam. Abaviazkova prykładajucca elektrony varyjant materyjału, ukazvajecca data vychadu publikacyi (na kožnym artykule). Da ŭsiaho prykładzicie karotkija źviestki (nie bolš za adzin arkuš farmatu A‑4) pra svoj tvorčy šlach (što paličycie patrebnym).
Pavažanyja siabry, svaje publikacyi vy možacie pieradać u ofis BAŽ asabista ci vysłać pa pošcie zakaznym listom z paznakaj na kanviercie «Konkurs».
Naš adras: 220030, h. Minsk, pł. Svabody, 17 – 304.
Žadajem vam, kalehi, tvorčaha pośpiechu!
Umovy konkursu zaćvierdžany Praŭleńniem HA «Biełaruskaja asacyjacyja žurnalistaŭ» 10 krasavika 2007 hoda.
