Try čałavieki zahinuli nočču na pažary ŭ Połacku, paviedamiła pres-sakratar Viciebskaha abłasnoha ŭpraŭleńnia MNS Maryna Fando.

Napiaredadni trahičnaj padziei susiedzi vyklikali milicyju na pjany deboš u kvatery zahinułych. Pjanicy ŭčastkovaha ŭ kvateru nie puścili, ale ŭhamanilisia. A nočču žychary doma ŭžo telefanavali ŭ pažarnuju słužbu.

Kali supracoŭniki MNS prybyli da miesca zdareńnia, ahoń byŭ kala ŭvachodnych dźviarej. Haspadara kvatery razam z žonkaj znajšli na łožku, a trup ich znajomaha na padłozie.

U kvatery było mocnaje zadymleńnie, paŭstała pahroza žyćciu i zdaroŭju žycharoŭ doma, bo dym pačaŭ raspaŭsiudžvacca z druhoha paviercha na vierchnija. Ratavalniki byli vymušanyja evakujavać 15 čałaviek.
«Pryčyna pažaru vyśviatlajecca, ale jasna adno — vinoj usiamu złoŭžyvańnie śpirtnymi napojami», — padkreśliła Maryna Fando.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?