TV, 29 krasavika, subota
Ład, 20.50
Usplosk (Splash)
ZŠA, 1984, kalarovy, 111 chv.
Režyser: Ron Hoŭard
Roli vykonvajuć: Tom Chenks, Derył Chana, Judžyn Levi, Džon Kendzi, Dodzi Hudmen, Hoŭard Morys
Žanr: Ramantyčna-fantazijnaja trahikamedyja
Adznaka: 7,5 (Z 10)
Pryzy: Premija "Saturn" Derył Chanie, naminacyja na "Załaty hlobus" za najlepšy film i naminacyja na "Oskar" za najlepšy scenar.
Niedareka Alen Baŭer (Tom Chenks), narešcie, zakachaŭsia ŭ dziaŭčynu svajoj mary. Kaliści jany ŭžo sustrakalisia: maleńki Alen zvaliŭsia ŭ mora j byŭ vyratavany rusałačkaj. Ciapier jon i rusałačka razam. Praŭda, u rusałački jość drennyja zvyčki: ad jejnaha hołasu łopajucca televizary. Ale ź miłaj raj i na dnie akijanu. Tolki złyja siły ŭ asobie prydurkavataha navukoŭcy nia śpiać u šapku...
Daścipnaja, kranalnaja j ciopłaja meladrama-trahikamedyja. Udały duet Toma Chenksa j Derył Chany, scenar pad Andersena-postmadernista j hodnaja režysura.
