U Rumynii na vychodnych prajšoŭ referendum, padčas jakoha vyrašałasia, ci prezydent Trajan Basesku, jakoha parlament abvinavaciŭ u «parušeńni kanstytucyi», zastaniecca na pasadzie prezydenta. Pavodle papiarednich vynikaŭ, 74 adsotki prahałasavałych vykazalisia suprać pazbaŭleńnia prezydenta jahonaj pasady, čaho tak nastojliva patrabavali sacyjalisty i liberały. Jaŭka vybarščykaŭ skłała kala 44 adsotkaŭ.
Pavodle Basesku, jahonaja pieramoha ŭ referendumie aznačaje, što rumyny prychilna staviacca da reformaŭ i nie žadajuć, kab aliharchi ŭpłyvali na palityčnaje žyćcio Rumynii. Jon taksama abvieściŭ, što budzie imknucca da uchvaleńnia źmienaŭ u kanstytucyi, kab kraina nadalej nie pieražyvała padobnyja palityčnyja kryzisy.
U asnovie palityčnaha kryzisu ŭ Rumynii lažyć miž inšym kanflikt prezydenta i premjera Kelina Popesku‑Teryčanu, jahonaha raniejšaha sajuźnika. Teryčanu adchiliŭ prapanovu prezydenta abvieścić daterminovyja vybary, a taksama ŭčyniŭ źmieny ŭva ŭradzie, vydalajučy ź jaho asobaŭ, źviazanych z Basesku.
Analityki śćviardžajuć, što viartańnie Basesku na pasadu prezydenta nie aznačaje kanca palityčnaha kryzisu ŭ Rumynii. Na dumku kamentataraŭ, referendum nie spyniŭ baraćby pamiž Basesku, prychilnikam śmiełych reformaŭ i baraćby z karupcyjaj, i jahonymi palityčnymi supiernikami.
