Ciapier milicyjanty buduć rasšukvać «nieviadomaha złamyśnika», jaki, pavodle versii śledztva ŭ niadzielu ranicaj z telefonnaha aŭtamatu paviedamiŭ, što budynak pa vuł.Budzionnaha, 48a, dzie adbyvaŭsia ŭstanoŭčy schod «Ruchu Za svabodu!», zaminavany. Pra heta raspavioŭ karespandentu «NN» namieśnik načalnika adździeła daznańnia RAUS Pavał Kojta.
Nahadajem, u «raźminavańni» budynku, dzie mieściacca polskaje hieneralnaje konsulstva, ofisy rehijanalnych adździaleńniaŭ apazycyjnych partyjaŭ (BNF, AHP, PKB) i hramadzkich arhanizacyj, brali ŭdzieł padraździaleńni ŭsich siłavych viedamstvaŭ (badaj, akramia KDB): UUS, DAI, MNS, «Achova», sapiory.
U vyniku ledź nia byŭ sarvany ŭstanoŭčy schod «Ruchu Za svabodu», jaki ŭ pamiaškańni Tavarystva biełaruskaj škoły pravodziŭ lider abjadnanych demakratyčnych siłaŭ Alaksandar Milinkievič. Na zahad milicyi evakujavacca delehaty zamknulisia ŭ kabinecie, za paŭhadziny pryniali statut novaj arhanizacyi i abrali kiraŭnictva.
Ciapier, pavodle słovaŭ Paŭła Kojty, zapis hołasu, jaki paviedamiŭ pra «zaminiravańnie» budzie vyvučacca z metaj «ustanavić asobu złamyśnika»
