Siońnia ŭ sielskim kaaperatyvie «Varniany» Astravieckaha rajonu Haradzienskaj vobłaści druhi dzień praciahvajecca strajk mechanizataraŭ. Pracoŭnyja paviedamili pres‑centru Chartyi'97, što siońnia ŭ strajku ŭdzielničaje ŭsiaho 24 čałavieki (učora admaŭlalisia pracavać 43). Mechanizataram pahražajuć zvalnieńniem. Dni strajku zaličvajucca jak prahuł. Rajonnyja słužboŭcy biaździejničajuć.
Siońnia ŭdzielnikaŭ strajku znoŭ naviedaŭ načalnik kiravańnia sielskaj haspadarkaj Astravieckaha rajvykankamu. Abiacaŭ razabracca, ale jakich‑niebudź peŭnych dziejańniaŭ nie raspačaŭ.
«Z 43 čałaviek siońnia nie pracujuć 24. Roznymi sposabami na ludziej uździejničajuć: kaho prosiać, kamuści pahražajuć. Chto słaby na nervy — zdajecca. Siońja paviedamili, što tym, što da 11 hadzinaŭ nie vyjechali na pracu, pastaviać prahuły», — paviedamiŭ adzin z bastujučych miechanizataraŭ.
Mechanizatary sielskaha kaapieratyvu «Varniany» ŭčora abviaścili strajk i admovilisia vychodzić u pole. Pratest vyklikany pazapraŭnymi zvalnieńniami, niavypłatami premij i ŭrazańniami zarobku, jakija praktykuje ciapierašniaje kiraŭnictva SPK «Varniany».
Mechanizatary patrabujuć, kab staršynia kaapieratyva Ŭładzisłaŭ Ruk napisaŭ zajavu ab zvalnieńni.
