Lider biełaruskaj apazycyi Alaksandar Milinkievič prakamentavaŭ dla «Našaj Nivy» vyzvaleńnie z «chimii» Paŭła Sieviarynca i Mikoły Statkieviča:
«Ja vielmi ŭściešany, što hetyja palityki narešcie akazalisia na voli. Dziela hetaha była praroblenaja vielmi vialikaja i ciažkaja praca. Samimi Paŭłam i Mikałajem, biełaruskaj hramadzianskaj supolnaściu, našymi mižnarodnymi siabrami. Vyzvaleńnie palitviaźniaŭ pakazvaje, što siońnia biełaruskaja ŭłada maje vielmi vialikija ekanamičnyja prablemy. Jana choča atrymlivać ad zachodnich uradaŭ finansavańnie i investycyi, ale pry najaŭnaści ŭ krainie palitviaźniaŭ raźličvać na ich paprostu niemahčyma. Pierakanany, što śledam za Sieviaryncam i Statkievičam vyjduć i inšyja palitviaźni. Važna, kab jany byli vyzvalenyja absalutna ŭsie».
