Zaviaršyŭsia aficyjny vizit Prezidenta Isłamskaj Respubliki Iran Machmuda Achmadziniežada ŭ Respubliku Biełaruś. Iranski lider siońnia adbyŭ z Nacyjanalnaha aeraporta Minsk. Zamiežnaha hościa pravodziŭ pieršy namieśnik premjer-ministra Biełarusi Uładzimir Siamaška.
U chodzie vizitu, jaki pradaŭžaŭsia z 21 pa 22 maja, adbyłasia sustreča prezidenta Irana Machmuda Achmadziniežada z kiraŭnikom biełaruskaj dziaržavy Alaksandram Łukašenkam. Pierahavory prezidentaŭ dźviuch krain prajšli jak u vuzkim, tak i pašyranym farmacie. Asnoŭnuju ŭvahu baki ŭdzialili mahčymaściam naroščvańnia ŭzajemnaha tavaraabarotu i inviestycyj, supracoŭnictvu ŭ naftahazavaj śfiery. Adbyŭsia abmien dumkami pa aktualnych mižnarodnych prablemach.
Lidery dźviuch krain padpisali sumiesnaje kamiunikie pa vynikach vizitu prezidenta Irana ŭ Biełaruś.
U prysutnaści prezidentaŭ byli taksama padpisany Pahadnieńnie ab supracoŭnictvie pamiž Nacyjanalnym bankam Biełarusi i Centralnym bankam Isłamskaj Respubliki Iran, Pahadnieńnie pamiž Nacyjanalnym bankam Biełarusi i Centralnym bankam Irana ab supracoŭnictvie ŭ halinie navučańnia bankaŭskaha piersanału, Pahadnieńnie ab supracoŭnictvie ŭ halinie adukacyi pamiž Ministerstvam adukacyi Biełarusi i Ministerstvam navuki, daśledavańniaŭ i technałohij Isłamskaj Respubliki Iran.
Akramia taho, u čas aficyjnaha vizitu ŭ Minsk Machmud Achmadziniežad sustreŭsia ź pieršym vice-premjeram Biełarusi Uładzimiram Siamaškam, staršynioj Pałaty pradstaŭnikoŭ Nacyjanalnaha schodu Uładzimiram Kanaplovym, pradstaŭnikami iranskaj dyjaspary, naviedaŭ Nacyjanalnuju biblijateku Biełarusi.
