Dziaržaŭnaja dola ŭ statutnych fondach šerahu akcyjanernych tavarystvaŭ istotna pavialičycca. Hetak pradpryjemstvy zmohuć raźličycca ź dziaržavaj za atrymanyja ŭ minułym hodzie kredyty i preferencyi.
Pastanovaj №440 ad 5 krasavika 2007 h. urad aformiŭ pryniataje raniej rašeńnie ab pavieličeńni dziaržaŭnaj doli ŭ statutnych fondach 13 bujnych akcyjanernych tavarystvaŭ, piša hazeta «Biełorusy i rynok». Siarod hetych pradpryjemstvaŭ cukrvoyja kambinaty, pradpryjemstvy małočnaj haliny, manapalist pa vytvorčaści soładu «Biełsoład» dy inš.
Dziarždola ŭ statutnych fondach akcyjanernych pradpryjemstvaŭ pavialičycca za košt druku imi dadatkovaj kolkaści akcyjaŭ. Płata za rehistracyju novaj emisii nie praduhledžvajecca. Nadrukavanyja akcyi buduć pieradadzienyja dziaržavie. Takim čynam adbudziecca raźlik za častkova pahašanyja za košt biudžetu adsotki pa bankaŭskich kredytach, atrymanych akcyjanernymi tavarystvami na madernizacyju vytvorčaści. Takija kredyty atrymali AAT «Biełsoład» i AAT «Viciebskaja brojlernaja ptuškafabryka». Astatnija akcyjanernyja tavarystvy atrymali kredyty na svaje investycyjnyja prajekty. Najbolš bujnyja investprajekty byli ździejśnienyja na cukrovych kambinatach u Žabincy, Haradziei i Skidzieli. Tut dziaržava atrymaje 98.9%, 99.9 i 99.8% akcyjaŭ adpaviedna.
