21 červienia ŭ Mahilovie ŭzarvaŭsia hruzavy aŭtamabil, jaki vioz bałony z hazam. Zdaryłasia heta na moście praz Dniapro na praśpiekcie Šmidta. Aŭtamabil zahareŭsia z‑za sapsavanaj paliŭnaj sistemy, paśla adbyŭsia vybuch.
Paciarpiełych niama: vadziciel paśpieŭ pakinuć mašynu, inšaha transpartu pablizu nie akazałasia, — paviedamiŭ Pieršy kanał Mahiloŭskaha telebačańnia.
Adnak pres-słužba Mahiloŭskaha abłasnoha ŭpraŭleńnia MNS nie paćvierdziła niekatoryja fakty. U 15:41 u słužbu MNS pastupiŭ telefonny zvanok ad śviedki ŭzharańnia aŭtamabila. Pa papiarednich dadzienych, z‑za niaspraŭnaści paliŭnaj sistemy adbyłosia tolki ŭzharańnie mašyny, vybuchu nie było. Usie 48 bałonaŭ z hazam zastalisia niepaškodžanymi. Zatoje traŭmy byli: vadziciel atrymaŭ apiok levaj ruki, — paviedamiła «Jeŭrapiejskamu radyjo» pres‑sakratarka mahiloŭskich vyratavalnikaŭ Inesa Jałfimava.
