Pałata pradstaŭnikoŭ pryniała zakon «Ab dziaržaŭnych sacyjalnych ilhotach, pravoch i harantyjach dla paasobnych katehoryjaŭ hramadzianaŭ». U pieršym čytańni za jaho prahałasavała 99, suprać — 2. U druhim: za — 101, suprać — 1.
Zhodna z zakonam, buduć admienienyja mnohija ź isnujučych ciapier ilhot. Naprykład, źnižka koštu prajezdu na pasažyrskim transparcie dla navučencaŭ, veteranaŭ pracy, hramadzian pry vykanańni słužbovych abaviazkach.
Admianiajucca ci abmiažoŭvajucca lhoty dla byłych viaźniach fašysckich kanclahieraŭ. Buduć skaročanyja katehoryi asobaŭ, jakija majuć ilhoty pa apłacie žyllova‑kamunalnych i medyčnych pasłuhaŭ.
Jak patłumačyŭ našamu karespandentu ministar pracy i sacyjalnaj abarony Uładzimier Patupčyk, hety zakon projdzie zvyčajnuju praceduru. Jaho pavinny zaćvierdzić u Saviecie Respubliki, potym jon budzie padpisany kiraŭnikom dziaržavy. Tolki pryblizna praz 6 miesiacaŭ zakon pačnie dziejničać.
