Na hetym tydni Ryski akruhovy sud vyrašyć los sanatoryju «Biełaruś»: kampanija T.E.K.Group LLC choča za daŭhi aryštavać majomaść Administracyi prezydenta Respubliki Biełaruś.
U sakaviku 2006 h. sanatoryj «Biełaruś» paźbieh vielmi sumnaj rečy: Jurmalski sud spyniŭ sudovy praces kampanii T.E.K.Group LLC, jakaja patrabavała aryštavać dom adpačynku.
Historyja, u epicentry jakoj apynuŭsia sanatoryj «Biełaruś», pačałasia ŭ 2002 h. Tady kampanija T.E.K. Group LLC zaklučyła damovu z łatvijskaj firmaj Konsultācijas pakalpojumi. I voś kansultacyjnaja firma paraiła T.E.K. Group LLC vydatnuju ździełku: zaklučyć damovu z Administracyjaj prezydenta Biełarusi ab finansavańni zakupak syroj nafty ŭ Rasiei.
Nafta pryznačałasia dla Dziaržaŭnaha vytvorča‑handiovaha UP «Biełaja Ruś», kiraŭnikom jakoha i źjaŭlałasia Administracyja Łukašenki. Adnak «Biełaja Ruś» paśpiachova razaryłasia, a kiraŭnictva firmy sieła ŭ turmu. U vyniku T.E.K. Group LLC, zhodna z umovami damovy, vyrašyła sudovym šlacham spahnać straty z Administracyi prezydenta Biełarusi i kampanii Konsultācijas pakalpojumi. A dla zabieśpiačeńnia pazovu afšorka patrabavała nakłaści aryšt na majomaść Biełarusi ŭ Łatvii — sanatoryj «Biełaruś». Pry hetym T.E.K. Group LLC pradjaviła da vykanańnia ŭ Jurmalski sud rašeńnie mižnarodnaha arbitražnaha suda Handlova‑pramysłovaj pałaty RF.
Adnak Jurmalski sud paličyŭ, što aryštoŭvać majomaść treba nia ŭ Łatvii, a ŭ Biełarusi. Ryski akruhovy sud i musić dać acenku hetamu rašeńniu.
Nie da kanca taksama jasny los sanatoryju «Burštynavy bierah», što naležyć Rasiei.
