Siońnia mechanizatary sielskaha kaaperatyva «Varniany» Astravieckaha rajona Haradzienskaj vobłaści vyjšli na pracu. U 19.00 musić prajści schod z udziełam pracoŭnych, kiraŭnictva kaaperatyva i načalnika ŭpraŭleńnia sielskaj haspadarkaj Astravieckaha rajvykankama Adama Kavalko.
Pa słovach adnaho sa strajkoŭcaŭ, ludzi vyjšli na pracu pa pryčynie presinhu z boku načalstva. Mechanizataraŭ nibyta zapałochvali zvalnieńniami. Siońniašni schod, na dumku pratestujučych, pieradvyrašyć ichnyja dalejšyja dziejańni. U vypadku zvalnieńnia kahości z udzielnikaŭ pratestu — strajk praciahniecca.
Nahadajem, što 43 mechanizatary SVK «Varniany» 21traŭnia abvieścili strajk i admovilisia vychodzić u pole. Pratest vyklikany nibyta niezakonnymi zvalnieńniami, niavypłatami premijaŭ i ŭrazańniami zarobkaŭ. Pa ich słovach usio heta šyroka praktykujecca kiraŭnictvam SVK. Mechanizatary patrabujuć, kab kiraŭnik kaaperatyvu Ŭładzisłaŭ Ruk padpisaŭ zajavu ab zvalnieńni.
