U pieršym kvartale 2007 hoda Biełaruś handlavała z 149 krainami. Jak paviedamiła pres‑słužba Ministerstva ekanomiki, tavary pastaŭlalisia na rynki 110 dziaržaŭ, impartavałasia pradukcyja 136 krain.
Asnoŭnymi handlovymi partniorami Biełarusi ŭ studzieni‑sakaviku 2007 hoda źjaŭlalisia: Rasija — 48,1% usiaho abjomu tavaraabarotu, Niderłandy — 7%, Hiermanija — 6,1%, Ukraina — 5,9%, Polšča — 4%, Vialikabrytanija — 2,8%, Łatvija i Kitaj — pa 2,4%, ZŠA — 2,3%, Italija — 1,7%.
Pavodle papiarednich źviestak Nacyjanalnaha banka Biełarusi, abjom źniešniaha handlu tavarami i pasłuhami pa mietadałohii płaciežnaha bałansu za pieršy kvartał 2007 hoda skłaŭ 11 młrd. 274,3 młn. dołaraŭ ZŠA. U tym liku ekspart — 5 młrd. 363,4 młn. dołaraŭ, impart — 5 młrd. 910,9 młn. dołaraŭ. Da ŭzroŭniu pieršaha kvartała 2006 hoda z raźliku ŭ faktyčnych cenach abjom źniešniaha handlu tavarami i pasłuhami skłaŭ 114,1%, ekspart — 107,5%, impart — 120,8%.
Pavodle źviestak handlovaha bałansu, abjom źniešniaha handlu tavarami ŭ pieršym kvartale 2007 hoda skłaŭ 10 młrd. 348,8 młn. dołaraŭ. U tym liku ekspart — 4 młrd. 746,7 młn. dołaraŭ, impart — 5 młrd. 602,1 młn. dołaraŭ. Vartasny abjom ekspartu Biełarusi ŭ paraŭnańni sa studzieniem‑sakavikom 2006 hoda ŭ faktyčnych cenach pavialičyŭsia na 6,3%, abo 281,4 młn. dołaraŭ, impart — na 21,1%, abo 974,5 młn. dołaraŭ.
