Moładzievych aktyvistaŭ Jana Michajłava i Mikałaja Koršunava buduć sudzić za praviadzieńnie siońnia ŭ Miensku akcyi pratestu suprać admieny lhot dla studentaŭ. Pra heta pres‑centru Chartyi'97 paviedamiła pravaabaronca Iryna Toŭścik. Paśla pryniaćcia «pałataj pradstaŭnikoŭ» zakonaprajekta ab admienie lhot, da budynka Doma ŭrada na płoščy Niezaležnaści pryjšli niekalki dziesiatkaŭ studentaŭ z samarobnymi płakatami.
Supracoŭniki milicyi ŭ cyvilnym, jakija dziažuryli kala budynka Doma ŭrada, adabrali ŭ maładych ludziej płakaty, a potym pačali zatrymoŭvać aktyvistaŭ. Jana Michajłava i Mikałaja Koršunava zatrymali, kali jany ŭžo sychodzili z płoščy Niezaležnaści.
Maładych ludziej advieźli ŭ Maskoŭski RAUS u Miensku. U dačynieńni aktyvistaŭ składzieny pratakoł pa art. 23.34 — «parušeńnie pravił praviadzieńnia masavych mierapryjemstvaŭ».
Michajłava i Koršunava źbirajucca pakinuć na noč u adździaleńni milicyi, a zaŭtra (u čaćvier) asudziać.