Nie vyłučacca Alaksandru Milinkieviču ŭ sustaršyni Palitrady abjadnanych demakratyčnych sił i padtrymać ŭtvareńnie na majučym adbycca Kanhresie demsiłaŭ frakcyi «Rehijony Za Svabodu» vyrašyli 23 traŭnia ŭdzielniki pasiedžańnia Rady Ruchu «Za Svabodu».
Na pasiedžańni taksama razhladalisia stratehija i kampanii Ruchu «Za Svabodu».
Prychilniki Alaksandra Milinkieviča z roznych rehijonaŭ Biełarusi vyrašyli stvaryć na Kanhresie frakcyju «Rehijony za Svabodu», kab zaśviedčyć svaju padtrymku lideru demakratyčnych sił. Kiraŭnikom frakcyi byŭ abrany Viktar Karniajenka, namieśnikam Alaksiej Kavalec i sakratarom Halina Skarachod.
— Frakcyja «Rehijony Za Svabodu» — heta ludzi, jakija padtrymlivajuć Ruch «Za Svabodu» i A. Milinkieviča, — kaža Viktar Karnijenka. My zdolnyja pakazać, što my abjadnanaja siła.
Udzielniki schodu adzinahałosna prahałasavali za nie vyłučeńnie Alaksandra Milinkieviča ŭ sustaršyni Palitrady demsiłaŭ.
— Siońniašni šlach abjadnanych demakratyčnych siłaŭ, heta nie šlach, jaki moža dapamahčy źmianić situacyju ŭ krainie, — padkreśliŭ Alaksandr Milinkievič. — Praz padzieły i raskoły na Kanhresie apazicyja jašče bolš zojdzie u tupik. Kruhłymi stałami arhanizavać pracu niemahčyma. Ja idu na Kanhres, kab zaśviedčyć usim, što taja forma, jakuju jany abirajuć słabaja i niedziejazdolnaja. My idziem, kab pakazać, taksama što my nie razburalniki, ale my krytyčna stavimsia da siońniašniaj situacyi ŭnutry demakratyčnych siłaŭ i hatovyja heta źmianiać.
