Kali siońnia, ŭsiu demakratyčnuju Biełaruś turbuje Hamletaŭskaje pytańnie — «Być ci nia być?» — dla mianie asabista adkaz — vidavočny — «Być!»
Być raskołu, być zdradzie svajmu narodu! Dziela hetaha nia treba być «siemi piadiej vo łbu». Hety praces idzie amal što ŭžo ceły hod, Kanhres — heta zaviaršalny etap.
Kamu heta patrebna?
Jość try zacikaŭlenyja baki:
Pierš za ŭsio, Łukašenku, Rasiei i, kaniečnie, Zachadu. Z Łukašenkam usio jasna — dziela asabistaj ŭłady. Rasiei — dziela sfery ŭpłyvu j inkarparacyi Biełarusi. Zacikaŭlenaść Zachadu vidavočnaja — dziela enerhietyčnaj biaśpieki j admyvańnia hrošaj praz padstaŭnuju apazycyju. Nikomu z troch bakoŭ mocnaja, niezaležnaja, demakratyčnaja, kvitniejučaja Biełaruś nie patrebna. Adnak jany svaje intaresy prykryvajuć «fihavym listkom» — kłopatam za los biełaruskaha narodu. Kaniečnie, ni Rasieja ni Zachad nia buduć naŭprost rabić niejkija siłavyja zachady. Kožny ź ich choča vyhladać aniołam, a vykonvać brudnuju spravu daručajuć inšym. U našym vypadku na hetu rolu abrali «tryjo bandurystaŭ» — A.Labiedźku, V.Viačorku, S.Kalakina. Nie pryncypova, chto ź ich hałoŭny, pryncypova — chto kankretna «zakazaŭ» Biełaruś, kali i za kolki? Adkaz my, vidavočna, atrymajem paźniej.
Pakul što možna parazmaŭlać pra scenar. Jon mnie nahadvaje padziei 1999 hodu, kali takim ža čynam raskałoli samuju mocnuju palityčnuju strukturu — Biełaruski Narodny Front.
Hałoŭnymi dziejnymi asobami ŭ toj čas vystupili —Z.Paźniak i V.Viačorka. Udzielniki tych padziej, frontaŭcy, dobra pra heta pamiatajuć. U adnaho lidera — Z.Paźniaka ŭziali vierch asabityja ambicyi svajoj vyklučnaści, u V.Viačorki — pretenzii na hetuju vyklučnaść; i ŭ vyniku — mocnaj narodnaj płyni niama.
Kali ŭ toj čas razburyli partyju, to ciapier rujnujuć vyzvolny ruch, a heta ŭžo zusim inšy «kalenkor», heta ŭžo naturalnaja zdrada. Adzin z hetaha «tryjo» S.Kalakin nie chavaje svaich pohladaŭ na budučyniu.
S.Kalakin («Naša Niva» ad 21.05.07h.) ŭ intervju «Radyjo Svaboda»:
— Było prademanstravana adzinstva pohladaŭ pa stratehičnych napramkach.... Partyja kamunistaŭ budzie nie tolki praciahvać svaju baraćbu ( za što? — Ja.M) ŭ ramkach abjadnannych demakratyčnych siłaŭ. Jana budzie ŭ avanhardzie hetych siłaŭ i pracesaŭ (znoŭ ŭ śvietłuju budučyniu? — Ja.M), što adbyvajucca ŭ Biełarusi.
V.Viačorka, A.Labiedźka — «oŭ»! — Siaroža ŭ najbližejšy čas zdaść i vas! Balivar nie vytrymaje troch!
Ciapier pra raskład siłaŭ na Kanhresie. Rehijanalnyja kanferencyi zaśviedčyli, što vidavočnaj, značnaj pieravahi ŭ «muzykaŭ» niama. Raźbiežka niedzie ŭ 20-30 hałasoŭ.
Tamu, kali na palitradzie razhladałasia pytańnie ab udziele ŭ Kanhresie VIP-asobaŭ (słova niejkaje brydkaje i abraźlivaje, a razmova išła pra ludziej — Ja.M) u kolkaści 273 čałavieki, PKB zalamantavała ab svajoj niazhodzie, bo parušaŭsia balans, a im nieabchodnaja absalutnaja pieravaha hałasoŭ. Naiŭny i ščyry, jak dzicia, Radzim Harecki:
Pamylajeciesia, šanoŭny spadar Harecki! Heta taksama i Vaša sprava, sprava našaj intelehiencyi, našaha sumleńnia i honaru.
Paet Hienadź Buraŭkin:
A.Milinkievič:
A voś sp. Labiedziekiu zusim nie soramna. Jon miarkuje nastupnym čynam:
— Čto kasajetsia śpiska VIP-pierson to kohda pri proiźniesienii familii tri čietvierti členov komiśsii udivlonno požimajut plečami, to sohłasitieś, jesť voprosy. U mienia nie vyzyvajet ni tieni somnienija takije kandidatury kak Nił Hilevič, Radim Harieckij, Vasilij Starovojtov (hladzi, narešcie ŭspomnili pra jaho! — Ja.M.), Ivan Nikitčienko i im podobnyje fihury. No kohda k nim vahonom pristiohivajut jeŝio dvie sotni, pusť siebie chorošich, dostojnych, no mało komu iźviestnych ludiej, to my razmyvajem status lic «obŝienacionalnoho urovnia.
Sp.Labiedźka! A kali zaklikali ludziej pad dubinki, to taksama hałasavali pa kožnaj kandydatury? Adnak sprava tut navat nia ŭ tym i nia stolki ŭ tym, chto budzie delehatam, a ŭ tym — jak jany prahałasujuć.
Razhledzim raskład bakoŭ.
Na Kanhres abrana 863 delehaty. Byŭ padadzieny dadatkovy śpis dla ŭdziełu ŭ kanhresie jašče 273 čałaviek. Ź ich — 28 palityčnych viaźniaŭ, 47 pradstaŭnikoŭ intelihiencyi, 55 — deputataŭ VS 13 sklikańnia. Usiaho vychodzić ličba 1136 delehataŭ z pravam hołasu.Dla pryniaćcia rašeńnia, jakoje patrebna hetym machlaram, nieabchodnaja bolšaść, a heta 569 hałasoŭ . A dzie ŭpeŭnienaść, što jany prahałasujuć za ich scenar? Niama takoj upeŭnienaści. Tamu dałučeńnie da kvorumu 273 delehataŭ, nie zaanhažavanych u palityčnych partyjach i ruchach, stavić pad sumnieŭ pieramohu ich avantury.
Tamu, kab paźbiehnuć ryzyki, jany ŭklučyli tolki 28 palitviaźniaŭ, maŭlaŭ, heta ličba istotna nia źmienić raskład sił.
Pavał Sieviaryniec na pytańnie — «Jak Vy aceńvajecie kanflikty, nieparazumieńni vakoł liderstva ŭ abjadnanaj apazycyi?», adkazaŭ:
— Sytuacyju hetuju ja, kaniečnie, aceńvaju jak kiepskuju. Nasamreč, na žal, za apošni hod apazycyjnaja biurakratyja isnavała sama sabie i zmahałasia tam u pytańniach «chto hałoŭny?», «chto vinavaty?», amal nikoli nie dachodziła da pytańnia «što rabić?», a voś supraciŭ biełaruski byŭ sam pa sabie.
Tamu na Kanhresie nia budzie vyrašacca patańnie, jak i što budzie rabić biełaruski nacyjanalny ruch, supraciŭ... Ja dumaju, što jon isnuje paralelna apazycyjnym strukturam. Dumaju, što tam budzie vyrašacca pytańnie, mahčyma, chto farmalna budzie ačolvać apazycyju, ale znoŭ ža, apazycyja i nacyjanalny supraciŭ, na žal, u apošni hod — heta dźvie roznyja rečy.»
Padsumoŭvajučy vykazvańni viadomych ludziej, i z asabistych pazycyj prychodziš da vysnovy, što šabas, imia jakomu «kanhres», nia što inšaje jak vialikaja zdrada z boku palityčnych machlaroŭ, vynikam jakoj stanie raskoł ŭ hramadztvie.
Režym Łukašenki, Pucin z asałodaj čakajuć jaho vynikaŭ, jakija, mahčyma, sami adrežyseravali. Tamu, kab nia dać im mahčymaść zrujnavać naša hramadztva, naš vyzvolny ruch, prapanuju:
Abjavić bajkot haniebnamu kanhresu.
Kali nie — pryjści i vykazać niedavier usiaje palitradzie ADS. A.Labiedźku, V.Viačorku, S.Kalakinu, A.Buchvostavu, N Palevikovaj persanalna, i prahałasavać za hetuju prapanovu.
Abrać novy skład Palitrady ź liku addannych biełaruskaj spravie delehataŭ kanhresu, niezaležna ad liderstva i partyjnaj prynaležnaści. U nacyjanalnym vyzvolnym ruchu nie pavina być padziełu pa partyjach i ruchach.
Abrać adzinaha lidera ADS — A.Milinkieviča.
Kali budzie sproba zablakavać hetyja rašeńni, na znak pratestu pakinuć zalu pasiedžańnia. My zhubim čas, ale nia zhubim sumleńnie, nie abryniem našu supolnaść u hramadzianskaje supraćstajańnie.
A hetych zdradnikaŭ pakinuć sam-nasam, chaj vyśviatlajuć pamiž saboj, «čyj kozyr starejšy?».
Z pavahaj da biełaruskaj supolnaści.
Žyvie Biełaruś!
