Na baćku salihorskich bratoŭ?maładafrontaŭcaŭ nakładzieny štraf u pamiery 20 bazavych vieličyń (Blr620 tys.). Cviedkaŭ z boku Uładzimiera sudździa pryznała zacikaŭlenymi asobami, a dziejańni milicyjantaŭ, što zatrymlivali Šyłu napiaredadni Dnia Voli, paličyła adpaviednymi zakonu. Sudździu Trasiamčuk nie źbiantežyŭ toj fakt, što ŭ časie apošniaha sudovaha pasiedžańnia śviedčańni milicyjantaŭ istotna roźnilisia ad papiarednich.
Nahadajem, što Ŭładzimiera Šyłu razam ź niepaŭnahadovym synam Illom zatrymali 23 sakavika dy źvinavacili ŭ chulihanstvie i niepadparadkavańni supracoŭnikam milicyi. 4 traŭnia abłasny sud častkova zadavoliŭ skarhu salihorskaha aktyvista na rašeńnie miascovaha sudu. Sudździa pryznała jaho vinavatym u drobnym chulihanstvie. Abvinavačańnie ŭ niepadparadkavańni milicyjantam vyklikała ŭ spn. Trubač sumnieŭ, tamu spravu nakiravali ŭ salihorski sud na pierahlad.
