Kala budynku paravoha młynu, jaki ŭčora pačali rujnavać, pracujuć budaŭniki. Jany prybirajuć učorašni druz. Pa słovach adnaho ź inicyjataraŭ haradzkoha referendumu Alesia Zaleŭskaha, pracy viaducca tut ad 8?j ranicy. Budaŭniki śćviardžajuć, što praciahnuć buryć budynak zhodna z raniejšym zahadam. Nieŭzabavie čakajuć spectechniku. Kala młynu sabarałasia kala dziasiatka maładych ludziej z raściažkami. Moładź nastrojenaja rašuča. Milicyjantaŭ pobač pakul nie nazirajecca.
Nahadajem, što ŭčora haradzienskija budaŭniki pačali demantavać budynak paravoha młynu na vuł. Vasilka. Budynak adnosicca da kanca XIX st. i ŭjaŭlaje saboju ŭzor pramysłovaj eklektyki. Takich budynkaŭ u Horadni ŭsiaho dva. Paravy młyn nia byŭ uklučany ŭ śpis kamianicaŭ, mierkavanych pad znos.
Sp. Zaleŭski paviedamiŭ taksama, što siońnia ŭranicy jamu patelefanavali z UKDB i zaprasili na hutarku. Aleś spasłaŭsia na zaniataść i admoviŭsia.
