«Svaim rašeńniem biełaruski parlament jašče raz prademanstravaŭ, što jon kišenny i niesamastojny. Pazbaŭleńnie parłamentaryjami lhotaŭ nie źnizić hłybiniu biednaści i nie padvysić uzrovień žyćcia małamajomasnych katehoryj nasielnictva našaj krainy», — zajaviŭ lider demakratyčnych siłaŭ Alaksandar Milinkievič u adkaz na pryniaćcie Pałataj pradstaŭnikoŭ prajekta zakona «Ab dziaržaŭnych sacyjalnych ilhotach, pravach i harantyjach dla asobnych katehoryjaŭ hramadzianaŭ».
«U kožnaj krainie jość sacyjalna nieabaronienyja hrupy nasielnictva, jakija majuć abmiežavanyja materyjalnyja resursy i jany, jak nichto inšy, patrabujuć sacyjalnaj dapamohi. Heta małazabiaśpiečanyja hramadzianie, šmatdzietnyja i niapoŭnyja siemji, adzinokija invalidy i pensijanery, studenty i biespracoŭnyja. Ilhoty akazvajuć adčuvalny ŭpłyŭ na ich materyjalnaje stanovišča, a heta ŭ svaju čarhu spryjaje skaračeńniu ŭzroŭniu biednaści i palapšeńniu demahrafičnaj sytuacyi.
Ekanomika, niahledziačy na prapahandysckija štampy, znachodzicca ŭ ciažkim stanie. Biez reformaŭ, jana nie zdolnaja zabiaśpiečyć sacyjalnyja standarty. Nielha źlikvidavać usie lhoty pakul sacyjalnaja dapamoha nie stanie adrasnaj. Sacyjalna‑ekanamičnaja palityka ŭradu pavinna być nakiravanaja na padvyšeńnie ŭzroŭniu žyćcia nasielnictva na asnovie pavialičeńnia realnych prybytkaŭ hramadzianaŭ.
Razam z praviadzieńniem sacyjalna‑ekanamičnych reformaŭ stratehičnaj zadačaj dziaržavy pavinna źjaŭlacca pavialičeńnie pamieru zarobku, jaki pavinien być dastatkovym nie tolki dla zadavalnieńnia biahučych patrebaŭ u siłkavańni, vopratcy, ale i patrebaŭ u paŭnavartasnym adpačynku, a taksama ŭ farmavańni svaich źbieražeńniaŭ».
