Paśla admieny lhotaŭ na samaje nieabchodnaje — kamunałku dla pensijaneraŭ i prajezd dla studentaŭ — Biełaruś pieratvarajecca ŭ najmienš sacyjalnuju dziaržavu ŭ Eŭropie.
«Choča Pucin, kab my płacili hetyja hrošy, — budziem źbirać ad lekaŭ, čarnobylcaŭ, ad tych, chto ŭ akopach hniŭ, źbiarom...», — kryŭdavaŭ niadaŭna kiraŭnik Biełarusi na padaražańnie rasiejskich enerhanośbitaŭ. Chto tady moh dumać, što heta nia kidkaja rytoryka, a pradumanaja stratehija, jakaja i lehła ŭ asnovu novaha zakonu «Ab dziaržaŭnych sacyjalnych ilhotach, pravach i harantyjach dla asobnych katehoryjaŭ hramadzianaŭ».
Buduć admienienyja źnižka na prajezd u pasažyrskim transparcie dla navučencaŭ, veteranaŭ pracy, hramadzian pry vykanańni słužbovych abaviazkaŭ. Skarociacca katehoryi asobaŭ, jakija majuć ilhoty pa apłacie kamunalnych i medyčnych pasłuh.
Pałata pradstaŭnikoŭ pryniała hety spuščany z prezydentury zakon 101 hołasam suprać 1. Niama sumnievaŭ, što saviet respubliki zakon zaćvierdzić. I tady, praciahvajučy cytatu, «...pierastanuć nami manipulavać i pierastanuć nas šantažavać».
Transfarmacyja systemy lhotaŭ, napeŭna, maje ekanamičny sens. Tolki prapahanda «dziaržavy dla narodu» paśla hetaha hladzicca cynična. Paśla admieny lhotaŭ na samaje nieabchodnaje — kamunałku dla pensijaneraŭ i prajezd dla studentaŭ — Biełaruś pieratvarajecca ŭ najmienš sacyjalnuju dziaržavu ŭ Eŭropie. Zastajecca suciešycca nadziejaj, što lhoty z pompaj viernuć pierad vybarami 2011 hodu.
